Saturday, June 28, 2008

رجل الطفرة .. حاليا بالمصحات



ادفع كل ما املك _ و ليس اغلى ما املك طبعا _ لكى احصل على هذا الاختراع

الحقيقة انه اختراع لا وجود له و لكن قد نسميه اصطلاحا .. اكسير الكذا .. اى كذا مش مهم المهم ان كلمة اكسير دى لايقة قوى
===============================================
عندما رددت لنفسى تلك الكلمات - مهرتلا - وجدت ان الامر حقيقة و ليس بالهرتلة .. و كانت تلك هى كلماتى .. اسمع يا سيدى احم احم

( الايام تزيد ملامحنا تجاعيدا ظاهرة .. هذا امر هين و لكن الكارثة انها تضيف كذلك تجاعيدا خفية ) .. اه انا قلت كده

===============================================
سؤال .. كم تجعيدة خفية بداخلك .. كم صديق خسرت .. كم لحظة حب داس عليها حمقى لا يفقهون لها تأويلا .. كم من اشياءا لا يدركها الاخرون و انت فقط من يحمل سرها .. كم قدس اقداس داخلك لم يطأ احد على ارضه سواك .. كم من ارارضى خضراء طيبة فى عقلك و قلبك لا يدرك جمالها احد غيرك .. كم من حلم صار اكذوبة او نكتة او من اساطير الاولين
كم تجعيدة خفية ترهق ارواحنا و تصيبها فلا نعد نحن مرة اخرى .. لا نعد نحن ذلك الشخص المرح .. لا نعد هذا الشخص الذى يجد للاشياء كل الاشياء رحيقا يعرفه

================================================
عندما ذهبت للمصوراتى اخد صورة عشان الشغل كده يعنى - تفاصيل سخيفة صح - المهم انى لاحظت فرقا بين ذلك الشخص المرح المفعم بحمى الحياة فى البوم صورى القديم و بين هذا الذى هو للاسف انا الان

الحقيقة ان المشكلة لا تكمن فقط فى التجاعيد و لكنها تمتد لشىء اكثر خطورة .. الى التجاويف .. و عشان متفهمش غلط الفراغات يعنى .. اه .. ان يكون فى روحك مكان فاضى . اصعب شىء . هو العجز و الشيبة بعينهما .. و ليس ابدا العجز هو الشعر الابيض و العكاز و الفياجرا
ان يكون فى روحك . مكانا .. ظللت انت نفسك تحفره بداخلك و تنحته بروحك حتى يصير مكانا لشخص ما او فكرة ما او حلم ما .. ثم فجأة .. يرحل .. تنطفىء .. يموت منتحرا .. على الترتيب

فقط يرحل الشخص و تنطفىء الفكرة و ينتحر الحلم ليترك كل ذلك اماكن شاغرة و انا عندى اماكن كاملة و ليس مكانا واحدا كلها شاغرة كل منها يحمل عنوان لشخص لن ياتى او فكرة قد رحلت او حلم لن يتحقق

اماكن بعشرات الاشخاص و مئات الافكار و بضع احلام بسيطة بريئة

المشكلة ان تحب بصدق
=======================================

لقطة : اذكر فيلم كرتون ظريف اوى كان توم عدو جيرى متخرم كده و رايح فى داهية كل ما يشرب حاجة تخرج من جسمة نوافير نوافير - جمع نافورة - فاكر
عودة : انا روحى الان كده بالظبطكلما مر بها ريح من الماضى .. تمر بالاماكن الشاغرة فيدوى صريرها و كأنها كهوف من ملايين السنين

قرار : لن املىء الفراغات لانى اقدر اصحاب تلك الاماكن و لكن كل ما اريدة انا اضحك بدون الم


======== بره الموضوع ====
عشان يعنى لو مفهمتش حاجة ..بص يا حاج .. الطفرة قانون معروف يحدث للكائن الحى مرة كل الاف السنين و لكن ان يحدث لى انا بالذات هذا الكم من الطفرات فمن حقى انا اكون رجل الطفرة .. طفرة تاخدنى لطفره ... للسرايا الطفرة شكلها كده

فكك فكك حكاية الطفرة دى اصلخها موضوع كبييييييييييييييييييييييييييييييييييييييييييييييييييييييييييييييييييييير اصلا مش هيهم حد خالص

>


9 comments:

محمد عبد القوى said...

الموضوع اساسا محتاج انك تبص له من زوايا تانية
هل انت الوحيد اللى بيحصل له كده؟؟
هل انت الوحيد اللى بيملك الكم ده من الفراغات ؟؟
ما قابلتش فى سكتك من هو اكثر تجاعيدا منك؟؟
الناس اللى ما بتجيش دي ماجاتش ليه؟؟
هل السبب دايما فى الدنيا وفى الظروف او فيهم ؟ ولا فى عوامل طرد نابعة منك انت؟
فكر فى كل الزوايا دي واعتقد ان شكل البوست هيتغير

Mr-Biboooo said...

اولا واضح انك مقرتش البوست كويس
اولا اللى انت متعرفوش انى فى اسعد لحظات حياتى ده اولا

لكن الفكرة مش الدنيا و الظروف و الكلام الى انت قلته
لا
الفكرة احساس مش خسارة
و مالوش علاقة بغيرى انا هنا بكلم نفسى ده اساس المدونة اصلا

انا بتكلم عن شعور احساس عن الحاجات الى مبقتش فى حياتى بسبب ان حياتى بتتتغير بايقاع سريع جدا و احداث كتيرة اوى
انا مقلتش انى كاره كده بالعكس انا سعيد جدا فى خياتى لكن انا بعبر عن انك عشان ما يعيش شىء لابد ما يموت شىء زى ما قال عمك جاهين
فهمت ؟

محمد عبد القوى said...

عندما ذهبت للمصوراتى اخد صورة عشان الشغل كده يعنى - تفاصيل سخيفة صح - المهم انى لاحظت فرقا بين ذلك الشخص المرح المفعم بحمى الحياة فى البوم صورى القديم و بين هذا الذى هو للاسف انا الان

أنا مش بعارضك فى مشاعرك ولا جى أزايد عليك ، لكن بصراحة ربنا ده مش كلام حد سعيد بحالته دي
انا يمكن مفهمتش البوست كويس قوي لكن على الأقل فهمت انك بقيت زي القط توم بعد ما اتخرم وراح فى ستين داهية

عالمى ازرق said...

المشكله اننا بنكتشف الفراعات دى اكتر كل ما بنكبر ربما لو خرجنا للحياه وعقلنا بيتقبل الفكره كانت هتكون اسهل كتير فى التكيف معاها
وهى فى الاخر لازم تمشي كده اصلها مش جنه

العاب said...

شكرا

Borsa said...

جزاك الله كل الخير يا غالي علي المدونه الرائعه

و دي قائمه باهم مباريات اليوم يا جماعه و شكله يوم كروي عالمي

مشاهدة مباراة الاهلى والاسماعيلى
مشاهدة مباراة الزمالك والمصرى
مشاهدة مباراة برشلونة واسبانيول
مشاهدة مباراة ريال مدريد وفالنسيا
مشاهدة مباراة مانشستر يونايتد واستون فيلا
مشاهدة مباراة تشيلسي وايفرتون
مشاهدة مباراة الاهلى والاسماعيلى بث مباشر

عالمى ازرق said...

هو انت مش هترجع تكتب تانى بقي؟؟؟
يارب تكون بخير

كل سنه وانت طيب
وعيد أضحى سعيد عليك وعلى كل اللى بتحبهم

اخبار طريفة said...

نحنا كلنا بالهوى سوى

نوران said...

مدونة رائعة جداا .. بالتوفيق ان شاء الله
واتمنى المزيد من الموضوعات الشيقه