Wednesday, July 06, 2005

وهكذا تم تفسير 00000صباح الزفت يا عم احمد


عم احمد شخصية طيبة وهو بطبيعة الحال غير معروف لاحد منكم و ان كنت متأكد انه ثمة عم احمد يجب ان يكون فى حياتك 00وحتما ستجده هنا او هناك لا يكف عن مناداتك ( صباح الخير يا دكتور ) لو كنت كلية طب ولا صيدلية 000 او ( صباح الخير يا باشمهندس ) كلية هندسة او حتى صباح الخير يا استاذ
لو كنت فى اى مكان تانى
طبعا كان الرد الطبيعى بتاع كل مرة هو صباح النور يا عم احمد00لكن المرة دى فلتت منى 00لقيت نفسى مش طايق ابتسامته الطيبة المتفائلة زيادة عن اللزوم و لقيتنى بقوله صباح الزفت يا عم احمد
مش عارف ليه المرة دى كرهت قوى نظرة الرضا اللى فى عنيه دى 000اموت و اعرف ايه اللى راضيه قوى كده00فجأة لقيت النظرة دى مستفزانى و مش طايق اشوفها
لقيت نفسى بقوله كلام كتير وهو لسه محتفظ بالنظرة اياها000قلتله انت عارف انا كل يوم بفكر فى ايه ؟
بفكر فى علاقتى بربنا و التزامى و صلاتى000000 بفكر فى الكلية و زمايلى اللى من كل شكل و فى المحاضرات و الامتحانات و النجاح والسقوط 00000بفكر فى ميزانية الشهر 0000
و اكيد بفكر فى البنت اللى بحبها و بفكر فى المشاكل المتلتلة اللى بطلعلنا لسانها كل يوم و بتقولك اخبط دماغك فى الحيط00000000وبالتالى بفكر يا ترى لو سبتها هاعمل ايه 0000ساعات كمان افكر قوى فى ماتش الاهلى اللى جاى و طبعا ساعتها مضطر افكر فى ماتش الزمالك 0000000 بفكر فى السينما و فى اخر اغنية000000بفكر كمان فى السياسة و بلاوى السياسة و فى الحكومة و وعود الحكومة و احلامى فى تغيير ام الحكومة0000000ولما بشطح افكر فى اسرائيل و العراق و امريكا00000و بفكر فى الكلام اللى بيملو بيه دماغنا عن السلام و دفع عجلة السلام و يا سلام يا سلام و سلام مربع للجدعان000000و بفكر فى كلام واحد قالهولى عن اخواتى اللى بيموتو هناك وانهم مسئولين منى يا نهار اسود00000و اكيد تلف تلف وتفكر فى المستقبل و الشغل والوظيفة فتحلم قوى و تفوق وتحلم تانى وتفوق وتفضل تحلم و تحلم لغاية متاخد على دماغك و تنسى يعنى ايه احلام000و تفكر انك مظلوم وتفكر مين اللى ظلمك00000و فى النهاية بعد كل التفكير ده تبدأ تعقل و تهدى و تركز و تبدا تفكر ازاى تعيش عيشة اهلك و تحط اكبر فردة جزمة جوه بقك وتخرس للابد و تكتفى انك ترسم النظرة الراضية المتفائلة القنوعة بتاعة عم احمد

يمكن عشان كدة اتنرفزت قوى من نظرته لانى حسيت انى بشوف نفسى بعد عشرين سنة و العمر بيجرى و بيطلعلى لسانه 000000000000طبعا انتو عارفين انه مفبش حد اسمه عم احمد بس ده الشبح اللى بخااااااف منه

11 comments:

S H E B A K said...

مع ان كل اللى كتبته جه ....
...عالجرح لكن
صباح الفل يا عم
BIBOO

ابن مصر said...

ايه حكاية الاشباح دي؟ هات بابني ودنك انت التاني علشان اقولك فيها الله اكبر الله اكبر

unknown said...

على فكره جيلنا بيوصل لمرحله عم احمد بدرى اوى

salateenoo said...

على فكرة...بالنسبة ليك ولشباب كتير....انا عايش الحياة المثالية ....بشتغل في شغلانة كويسة ...في شركة كبيرة...بقبض مرتب كبير....عندي شقة وعندي عربية...ومية مية ...يعني عايش حياتي...ومع ذلك تلاقيني دايما مدايق ومحبط...وقلقان...ومش انا لوحدي اللي كدة ...انا اعرف ناس كتير اقربهم زمايلي في الشغل عنده نفس المشاعر دي..ممكن تقول انه هدم رضا ...ممكن تقول ان هية دي طبيعة الحياة الزحمة اللي احنا عايشينها......ممكن تقول حاجات كتير ...بس فعلا كان نفسي اكون زي عم أحمد ....راضي ...ومبفكرش...وعايش ...

Lasto-adri *Blue* said...

وكإنك بتكلم حمارى اللى فوق راسى دة.. حاجة تخنق..
إنت عارف إن عندى الأجازة مش خروج.. الأجازة يعنى إنغلاق لدرجة فظيعة.. وحتى لما بفكر أمشى بمشى لوحدى.. لأنى بصراحة زهقت م الكلام الكتير ووجع الدماغ.. وزهقت من أحلام اليقظة اللى بتطاردنى..
أنا مين.. أنا إيه.. أنا لزمتى إيه؟!
أسئلة ولا عندى لها أى ضوء يبشر بأمل جاى فى السكة..
عشان كدة دايما بمشى جانب الحيط ولا أعرف عم أحمد ولا عم سعيد..
خلينى ف اللى مكفينى.. وكفايا عليا عم البتاع اللى بيور فى راسى!

محمد هشام عبيه said...

تعرف..أنا برضة عندي عم أحمد..ويمكن عندي عم أحمدات كتير كمان..الغريب أنه بيجي لك شعورين متناقضين..حاجة زي اللي جت لك كده وبتسأل الراجل ده مبسوط كده ليه..وسؤال تاني هو الراجل ده مبسوط أصلا ليه..هو مبسوط عشان عنده قناعة بأن اللي فيه ده كويس ونعمة من ربنا ..ولا عشان هو أصلا بيص لنفيه على أنه مش بني أدم وأني أي حاجة تكفيه والسلام..الرضا بالمكتوب جميل وحلو..بس هل معني كده أن يكون طموح جزء كبير منا هو أن نظل في الصفر ولا نهبط إلى ماهو تحته؟!

Guevara said...

رائع يا بيبو و الله

Mr-Biboooo said...

عماد باشا صباحك قشطة

ابن مصر ..واضح انك بتقرا صرخة الرعب كتير

عم المجهول للاسف عندك حق و ده اللى كان قصدى اقوله

سلاطينو هحاول مقرش عليك


لست ادرى.. ماظنش انك كده و اكيد انتى بتتعبى من هموم الناس اد همومك


محمد احنا تحت الصفر من زمااان بس راضيين


جيفارا ...متشكرين و سلامى لدكتور زرياب

MYRHH
لا متخافيش هتبقى عم احمد غريبة انتى لسه قادرة تبقى نفسك ازاى لغاية دلوقتى

Anonymous said...

Where did you find it? Interesting read Granny little tits http://www.buttman-anal.info/safe_anal_intercourse.html 99 teeth whitener Click engine pay per script search umaxppc dimattic Bendix washer dryer combo Trinidad domain extentions internet affiliate business promotion online marketing Clomid+non+prescription+overnight Order online oxycontin c.o.d buspar tarjeta de send

Anonymous said...

Wonderful and informative web site. I used information from that site its great. » » »

Anonymous said...

تنسيق كليات و معاهد الهندسة الخاصة 2013
كليات الهندسة الخاصة فى مصر بالمصاريف 2013
اسعار كليات و معاهد الهندسة الخاصة 2013
مصروفات الدراسة بالكليات و المعاهد الخاصة 2013
صور بيجامات صيفي حريمي 2013
صور فساتين زفاف للمحجبات 2013
صور فساتين زفاف 2013
صور فساتين سواريه 2013 , صور فساتين سهرة 2013
فساتين سواريه للمحجبات 2013 , فساتين سهرة للمحجبات 2013
صور كلاب 2013 , صور كلاب مفترسة 2013 , كلاب بوليسي 2013
مصروفات المعهد العالي للهندسة و التكنولوجيا بالبحيرة 2013
مصروفات المعهد العالي للهندسة و التكنولوجيا بدمياط الجديدة 2013
مصروفات معهد الدلتا العالي للهندسة و التكنولوجيا بالمنصورة 2013
مصروفات المعهد العالي للهندسة و التكنولوجيا بطموه الجيزة 2013
مصروفات معهد الاهرام العالي للهندسة و التكنولوجيا 2013
وصفات طبيعية لتبييض البشرة
مصاريف الجامعات و المعاهد الخاصة 2013