Thursday, February 22, 2007

بريق


قد يعتقد البعض ان ما يتبقى من الاشياء لا يصير شيئا ... على حين انى لم اعد املك من اشياء كثيرة سوى تلك الاشياء التى تبقى من الاشياء الاصلية ..... قد تقودنا لعبة الجناس الناقص الى تسميتها الاشلاء ... قد تكون تلك التسمية صحيحة و قد لا تكون ايضا و لكن هى ما هى ...
قصره .. انا لم اعد املك من اشياء كثيرة سوى ما يتبقى
.. لدى اليوم قصة او قصتان .. و لكنى ليس لدى من الرغبة الحقيقية فى الحكى سوى اخباركم بها ... لدى اصدقاء .. و لكنى لا املك اصدقاء .. لدى حب .. حب صادق و عميق و رقيق ... و لكنى لا املك لحظة حب
قد يكون لدينا اشياءا كثيرة و لكننا نصحو يوما فنكتشف عن طريق الصدفة المتسللة فى خفة .. اننا لم نعد نملك شيئا
هل تدرك تلك الساعة المركونة منذ زمن على حائط حجرة و التى تكتشف فجاة انها متوقفة منذ ايام او شهور او سنين فتقرر أن تشترى لها فى المساء بطارية سخيفة لتعيدها للنبض و لكنك فى المساء تنسى الامر بالكامل فتعيد ضبط المنبة على موبايلك و تنام
لدى اليوم قصة .. و لكن ليس لدى الرغبة الحقيقية
انا اكره الحشرات .... اكرهها عندما تترك لى اطارا فارغا بعد ان تكون قد فرغت من تدمير ما يحويه الاطار .. علها لو اخذت الشىء كله لما لاحظت .. هل الحشرات التى تفعل ذلك ام القوارض . لا يهم المهم انى اكره ان اكون فى هذا الموقف
انا اكره انقطاع التيار الكهربى و انا اشاهد شيئا ما او افعل شيئا ما .. لعل الافضل ان افشل فى فعل الشىء او المشاهدة و لكن اكره ان يكون ما اريده غارقا فى الظلام رغم وجوده امامى بشحمه و لحمه
انا اكره الملل ... اكره ان اصدق ان هذا هو القميص الذى اشتريتيه لى فى عيد ميلادى .. وقتها كنت لا ارتديه الا معك و لا اضعه مع باقى القمصان و استخدم له معطرا ما ..بالامس صدمنى منظره فى قاع دولابى الذى لا يهدأ زحامه صدمتنى حقيقة غيابك
يصدمنى انى لم اعد استمتع بالفجر ولا بالسفر
صدمتنى تلك البنت عندما رأتنى و قالت ببرود و كأنها لا تدرك انها تذبحنى ... ( أنت عقلت امتى ؟ ) .... حقا تصدمنى فكرة اننا نفقد بريقنا .... اشياءا كثيرة تفقد بريقها و تبهت البعض يستمر فيضمر حتى يختفى و الاخر يكتفى بالبهتان فيظل يوهمك بوجوده حتى تدرك فجأة انه لم يعد هناك
لدى اليوم قصة
الاكثر تأثيرا هو انك قد تقضى سنوات للسعى وراء شىء كان يناديك بريقه بداخلك فتظل تسعى اليه كالمشدوه و عندما تصل او تقطع جزءا من طريقك لا تجد حماستك ... انا اكره الحشرات و انقطاع التيار الكهربى .... تلك مشكلة
و لكن الكارثة ان تكون وحدك فجأة صاحب الحماس و الاطراف الاخرى تفقد طاقتها
حبيب يجوب الدنيا من اجل حبيبته التى فقدت بريق الحب اما هو فالبريق يكاد يعميه عن رؤية الواقع .. يموت مع رد فعلها اللى مش بطال و هو يهديها ورده .0.. قد يقنع هذا الرد الفعل اى حبيب اخر و لكن هو يتوقع المزيد
حاول ان يشرحلها و هى لا تفهم يريد اخبارها بمسألة الحماس و البريق فترد فى حماس زائف و الله بحبك
مشكلة من رأى البريق انه يعرف الحماس الحقيقى من الزائف بنفس المهارة التى يخرج بها الصائغ المحنك الذهب الفالسو من البندقى
صديق يضحى من أجل صديقه بكل شىء فعندما لا يجد صديقه بجواره يصدم . و تواجهه مشكلة الصائغ ايضا
كان هناك ثمة قصة
كاذب من قال انه يستطيع ان يحافظ على الشىء طازجا
المشكلة عندما لا تكون كاذبا .. و ان تمنح فجأة شيئا تستطيع الاحتفاظ به طازجا فتصير المشكلة انك وحدك فتضطر لتركه ليفقد بريقه
ها ادركت ما اريد قوله فانا لا املك رغبة حقيقية فى الحكى
لعلى أخبرتكم
___________________________________________ !!!! لعلى .........

11 comments:

عالمى ازرق said...

الاكثر تأثيرا هو انك قد تقضى سنوات للسعى وراء شىء كان يناديك بريقه بداخلك فتظل تسعى اليه كالمشدوه و عندما تصل او تقطع جزءا من طريقك لا تجد حماستك


ليس المشكله فى الحصول على مااردت الحصول عليه ولكن ان تريده بعد الحصول عليه
تقبل تحياتى على اسلوبك المميز
على فكره ماشاء الله البوست بتاعك مفقدش بريقه ولا مره

change destiny said...

و حجات كتير بتموت في ليل الشتا
لكن حجات اكتر بترفض تموت


ارفض تموت
ارفض شبه الصديق
و شبه البريق
و شبه الحلم

ممكن يكون التمسك ببريق الحجات في حياتنا بس اصلنا لو استسلمنا نبقى شبه اموات

Anonymous said...

باكية عيون موالى
ما قلت آه كان مالى
بستاهل اللى جرالى
و اسهر أنااااااا
و أدبل أنااااااااااا
تدبل ورود عالخد ... و لا حد سامع حد
.........................................................................................................
حاسة كلامك لدرجة تقتل .. ابشع وجع هو اللى بتتكلم عليه .. زى بالظبط لما تهاجر عن بلدك غصب عنك و ترسم لبيتكو آخر صورة فى عيونك .. و تفضل شايلها طول الوقت .. و مستحمل غربتك عشانها .. بتحلم بيوم الرجعه .. ترجع تلاقى بيتكو القديم اتشال و اتحط مكان العواميد القديمة .. حيطان مالهاش ملامح .. لا تعرفك و لا تعرفها
الغربة .. الزمن .. و كله لازم يتغير .. لان دى الحاجة الوحيدة الثابتة .. بس انا لحد دلوقتى اعرف ناس لسه زى ماهى .. قلبها مختوم بالطيبة .. و بالوجع
سورى للتطويل

Mr-Biboooo said...

اولا ميرسى على التعليق و انا فرحان بمرورك

لكن حقيقى ازاى ممكن اريد شيئا بعد الحصول عليه
هل قصدك فقدانه بعد الحصول عليه
لو ده قصدك فعلا هى مشكلة لكن لا علاقة لها بما قصدته
و عموما اتمنى دوام مرورك

Mr-Biboooo said...

شانشج ديستنى

تفتكرى انه سهل على الواحد رفض الاشباه
يعنى شبه الصديق مث سهل اننا بقرار ننساه
متنسيش انه كان فى يوم صديق حقيقى


فنجان قهوة
بما انك حاسة كلامى
فالموضوع مش تطويل ولا حاجة و اسمحيلى اعتبر التعليق ده جزء من البوست و فقرة من فقراته

و على فكرة لو فعلا عندك ناس قلبها مختوم بالطيبة امسكى فيهم بايديكى و سنانك

عالمى ازرق said...

انا اقصد ان فيه حاجات كتير قوى بنتمناها وبنتخيل انها سبب سعادتنا لكن اما بنحصل عليها بنزهدها
والعكس صحيح
وشكرا على ردك اللى اتاح لى التوضيح

hesterua said...

يتغير الزمان
يتغير المكان
الا البداية والنهاية والحقيقة والميلاد

بتخلص الحاجات
وتتولد حاجات


من اكتر الحاجات اللى بتتعب فعلا التغير وفتور الأحساس , وتفكيرك طب يا ترى ده معاك بس ولا مع حد تانى

من ناحية تانية برضه
اللى قبلينا قالوا
لو دامت لغيرك مكنتش وصلتلك

tota said...

كل حاجه نفسنا فيها بشده وصعب اننا نوصلهابيكون ليها بريق خاص ومميز بيشدنا ولما بنمسك الحاجه دي في ايدينا بيتلاشي البريق ده ويختفي ومش بنشوفه تاني الا لو فقدنا الشئ ده من ايدينا ساعتها بيرجع بريقه زي الاول واكتر بس للاسف بيبقي صعب اننا نسترجعه ونمسكه في ايدينا تاني

Anonymous said...

مدونتك جميله ولطيفه

نقطة مية said...

كل حاجة بتبرق بتشد العين...لو امتلكتها عينك هتاخد عليها و يروح احساسك بالتميز بس فيه حاجات لما بتروح زهوتهابتسيب جروح و حاجات تانية مبنحسش بيها.. في وقت بيكون فيه ناس شدهم بريق الحاجة اللي معاك و بيحلموا بالتميز اللي انت حلمت بيه في يوم..دي بهارات الحياة..احييك على شفافية الروح

Anonymous said...

تنسيق كليات و معاهد الهندسة الخاصة 2013
كليات الهندسة الخاصة فى مصر بالمصاريف 2013
اسعار كليات و معاهد الهندسة الخاصة 2013
مصروفات الدراسة بالكليات و المعاهد الخاصة 2013
صور بيجامات صيفي حريمي 2013
صور فساتين زفاف للمحجبات 2013
صور فساتين زفاف 2013
صور فساتين سواريه 2013 , صور فساتين سهرة 2013
فساتين سواريه للمحجبات 2013 , فساتين سهرة للمحجبات 2013
صور كلاب 2013 , صور كلاب مفترسة 2013 , كلاب بوليسي 2013
مصروفات المعهد العالي للهندسة و التكنولوجيا بالبحيرة 2013
مصروفات المعهد العالي للهندسة و التكنولوجيا بدمياط الجديدة 2013
مصروفات معهد الدلتا العالي للهندسة و التكنولوجيا بالمنصورة 2013
مصروفات المعهد العالي للهندسة و التكنولوجيا بطموه الجيزة 2013
مصروفات معهد الاهرام العالي للهندسة و التكنولوجيا 2013
وصفات طبيعية لتبييض البشرة
مصاريف الجامعات و المعاهد الخاصة 2013