Tuesday, October 11, 2005

شيزوفرينا التدوين من حين لحين



أنا مدون .. كلمة بقالى كتير عايز اقولهالك
بسرح كتير ؟ .. يمكن ... بس للاسف مش فيكى .. ده فى البلوج .. بتاعى بقى بتاع اى مدون معتوه تانى مش فارقة لكن مش فيكى .. سورى
بقول كلام حلو .. مش ليكى معلش .. دى تجربة لبوست عن كيفية التحوير ع الحريم فى تلات طرق كنت كتبت بوست قبل كده اسمه نظرية النيسكافية و الكنز و نويت اكمله و سقطته .. لو قريتى النظريه هتعرفى سر الكنز و النيسكافيه اللى بطفحهملك

بضحك من غير سبب ؟؟ .. اه لأ ده مش عشان حضرتك دمك خفيف .. لا .. ده انا تلاقينى افتكرت كومنت قريته
عينى حمرا؟؟ .. حقيقى .. لا مش موضه طبعا يا هبلة !!! .. ده انا كنت سهران امبارح .. يووه لا طبعا مش عشان افكر فيكى .. ده انا كنت سهران ع النت عمال اقرا لشويه مدونين صحابى .. قلة منحرفة سيتم القضاء عليهم اجلا ام عاجلا

بسأل عن امك قصدى مامتك ؟؟ .. لا طبعا مش حبا فيها .. اصلها كاركتر جامد بفكر اكتب عنها بوست .. بوسة ايه يا هبلة انتى بوست بوست ... بوست مين؟!!! يوووه على فكرة احنا التفاهم بينا بقى صعب قوى
انتى مدونة؟ .. لا .. و لا اخوكى ابوكى حد من بقية العيلة ... لا برده ؟ .. تبقى مش من مستوايا

ايه؟ اديكى عنوان البلوج و انا اهبل ؟ عشان تعرفينى على حقيقتى
المشكلة ان انا ببقى انا على المدونة لكن معاكى ممبقاش على راحتى .. بحس انك مراقبانى .. بصى اكيد هييجى يوم و اجر رجلك للتدوين و تفهمينى و نقدر نبقى اون لاين .. و الا هتبقى مجرد بريفيوس بوست فى حياتى .. بوست هه

14 comments:

Eman M said...

"عشان تعرفينى على حقيقتى"

Mesh fe kol el 7alat beyb2a el blog bey3abar 3an 7a2e2t el shakhs 3ala fekra
sa3at ah, sa3at beyb2a tamseel, sa3at beyb2a 3ayesh door wahmi, aw 3ayesh door nefso ye3esho..
ya3ni feh ekhtelafat ketera

ماشى الطريق said...

hellooo
hope u visit our blog
www.malekwaketaba.blogspot.com

Michel Hanna said...

جميل جدا جدا جدا.

بنت مصرية said...

حلوة اوى يا بيبو.... عندك من ده كتير؟

sydalany-وش مكرمش said...

جامد يا بيبو
إلى الأمام دائما

Anonymous said...

سلام
عجبتني كثيرا قضية
بريفيوس بوست
شكرا علي الموسيقى

KING TOOOT said...

جميلة جدا ً ,, باين عليك مجنون تدوين
KING TOOOT

ملك said...

لذيذة خالص
سمعت أغنية wearing the inside out ل Pink Floyd
هاتعجبك أوى
سلام

mindonna said...

هاها
معبرة أوي

في الحقيقة انا كمان بمر بفترة زي دي من السرحان من يوم مادخلت المدونات

بعدتني عن الحياة الواقعية أكتر مانا بعيدة:)

Ahmed Shokeir said...

مظبوووط .. دى اللى بيسموها البلوجومانيا ، ودى مختلفه عن البلوجوفوبيا

ibn_abdel_aziz said...

الا هتبقى مجرد بريفيوس بوست فى حياتى


صورة مذهلة ...خلتني افكر فيها كام دقيقة واتخيل معناها بجد

ايوة التدوين بنكتب فيه براحتنا لانه تأريخ حقيقي لما يمر به الانسان او يفكر فيه او يعتنقه

التدوين من اقوي اشكال التعبير عن الراي
وقريبا
سيكون من اشكال التغيير
والمحاسبة

وابقي قولو ابن عبد العزيز قال :)

سلام

Anonymous said...

بوست حلو قوي...و منطقي نوعا ما :)

Anonymous said...

I have been looking for sites like this for a long time. Thank you! Kitchen grease fire gibson freezer parts stationery gifts personal injury loan

Anonymous said...

تنسيق كليات و معاهد الهندسة الخاصة 2013
كليات الهندسة الخاصة فى مصر بالمصاريف 2013
اسعار كليات و معاهد الهندسة الخاصة 2013
مصروفات الدراسة بالكليات و المعاهد الخاصة 2013
صور بيجامات صيفي حريمي 2013
صور فساتين زفاف للمحجبات 2013
صور فساتين زفاف 2013
صور فساتين سواريه 2013 , صور فساتين سهرة 2013
فساتين سواريه للمحجبات 2013 , فساتين سهرة للمحجبات 2013
صور كلاب 2013 , صور كلاب مفترسة 2013 , كلاب بوليسي 2013
مصروفات المعهد العالي للهندسة و التكنولوجيا بالبحيرة 2013
مصروفات المعهد العالي للهندسة و التكنولوجيا بدمياط الجديدة 2013
مصروفات معهد الدلتا العالي للهندسة و التكنولوجيا بالمنصورة 2013
مصروفات المعهد العالي للهندسة و التكنولوجيا بطموه الجيزة 2013
مصروفات معهد الاهرام العالي للهندسة و التكنولوجيا 2013
وصفات طبيعية لتبييض البشرة
مصاريف الجامعات و المعاهد الخاصة 2013