Monday, June 19, 2006

كتبت عشان اعرف ان كنت صحيت و لا لسه بتحصل برضه



اليوم عدت للتدوين لا لأدون بل لاضافة المزيد من الثرثرة التى فقدت القدرة عليها

سأتحدث فحسب

----------------------------------------------------------

تصور لو اننى بعد ان أيقنت انى نسيت فوجئت ان برائتها مازالت قادرة على استرجاعى او استعادتها ايهما تفهم !! -- تصور لو أن ما يدكرك بها هو صوت فيروز -- فنجان القهوة الساعة الثانية بعد منتصف الليل --- خطها الأنيق فوق عنواين كتبى الصغيرة --- أغلفة الهدايا الرقيقة --- و أوراقى الخاصة جدا

أى عقاب برىء تركته لى

-----------------------------------------------------------

.علامات التعجب التى تحيط بلحظاتى تخبرنى دائما انى مازلت قادرا على مفاجأة هذا العالم المجنون بجنون لا بأس به

علامات الاستفهام التى تحيط هذا العالم المجنون تخبرنى دائما ان فوق كل ذى علم عليم

أشخاص قليلون هم من يستحقوا أن يوضع تحتهم خطا باللون الاحمر فى القلب مع العلم انهم قليون من يستحقوا ان يدونوا فى قلوبنا

------------------------------------------------------------------
الغابة منزلا دون قصور .......... تتبعت السواقى و تسلقت الصخور

سألتك حبيبى لوين رايحين

بكتب اسمك يا حبيبى ع الحور العتيق تكتب اسمى يا حبيبى ع رمل الطريق

--------------------------------------------------------------------

حبيبتى صديقى انا اى شخص

كل من له علاقة عكسية او طردية بى هل لى ان ازيد من الثرثرة لاخبركم ان صوت فيروز اصبح كالنداهة و ان بريق الليل ينادينى حتى صرت مجذوبا

و الحقيقة التى من خلف كل ذلك هى الحقيقة التى ستجد يوما طريقها لكى تواجهنى بقسوة رغم كل المحاولات منى لابعادها

عزيزى

انك تفرط فى نفسك و شكرا

............................

طلبى ان تسرع هذه الحقيقة بمواجهتى الان او فلتنسانى للأبد لانى غير مستعد أن أتلقى تلك الحقيقة بعد فوات الاوان


..عموما

كل ما سبق لا اظنه كما اقنعت نفسى تأثرا بالهزيمة المنكرة تلاتة صفر امام جحافل الاهلى المنتصرة دائما

أعتقد انى متضايق او مخنوق من حاجة اكبر و الا فانا مجنون بجد
..
>


14 comments:

Nour said...

ألف حمدلله عالسلامة
عود أحمد
على الله يكون السلام وصل
:)))

Lasto-adri *Blue* said...

حمد لله ع السلامة كمان
ولو انى مش فاهمة غير ان صوت فيروز مأثر معاك قوى

بس مين فينا مش بيحبها؟
;)

ملك said...

اهلاً حبيب قلبى انت جيت للمنطقة ده
منطقة ال لاشعور و لا دهشه و ال لا اى حاجه و بعدين محاولة ايجاد اى سبب للبهجه و الانتشاء وتحت شعار اكيد فيه حقيقه و معنى ورا كل الهلاوس اللى عندى دى
انا بقالى كتير هناك و لسه مالقتش الحقيقه و لا فهمت المعنى

wa7da said...

mesh adra 2a2ollak 3'eer .. welcome back

Unknown said...

اولا حمد لله على السلامة اوى
ثانيا متعملش كده تااانى و مافيش داعى اعلى صوتى اكتر من كده
ثالثا سلامتك من الضيق والخنقه :(
رابعا حمد لله على السلامه تانتى :))

karakib said...

الضيق و الخنقه يخلقون ابداع صدقني
انتوك

ROMANTIC ROSE said...

انا زي "لست ادري" .. مفهمتش الا ان صوت فيروز بيجذبك .. و زيادة عليها اني فهمت انك يا عيني زملكاوي ..

بس اكتر شئ مبسوطه بيه انك رجعت .. حمد لله علي السلامه .. و ما تغيبش كتير .. لو تعرف ان ليك بوست بيرن ف عقلي طول الوقت مش هتغيب تاني ابدا ..

Mr-Biboooo said...

يا جماعة متشكر خالص على الروح دى بجد
مقرشش انكر انى سعيد بتعليقاتكو جدا لكن احب اقلكوا حاجة بعد الشكر و هى ان القاعدة الاساسية فى البلوج هى انه اهو كلام

متنشغلوش قوى بالفهم انا كمان قلت فى اول البوست انه مجرد ثرثرة

المهم يا جماعة معلش محدش يدق عليا انا لما ببقى متضايق بكلم نفسى فبشيل من الكلام الاجزاء البديهية اللى انا عارفها بديهيا لكن طبعا انتوا متعرفوهاش عشان كده محدش بيفهم حاجة

اهو كلااام

Mr-Biboooo said...

نور

الله يسلمك و السلام وصل و ميرسى ليكى اه صحيح خلى الحكاية دى سيكريت هههههه

لست ادرى
يا ستى الله يخليكى و الله يسلمك
وبليز تراجعى التعليق اللى فات


ملك
و الله انت تعرف اكتر منى انت شكلك هناك من زمان
عموما متخافش عليا انا مبقعدش فى حته كتير بكرة تلاقينى منطلق و سعيد فى منطقة تانية
و بجد نورت اللبلوج


واحدة
و انا مش هقدر اقول اكتر من ويلكوم باك لتعليقاتك و نورتى يا فندم جدا

Mr-Biboooo said...

مويا
اولا و ثالثا و رابعا الله يسلمك
ثانيا مفيش داعى والله انا اتعلمت من اخطائى و ميرسى بجد ليكى انا بحب اشوف تعليقاتك عندى فعلا

كراكيب
بص انا مقتنع بكده لكن برضه مش شرط متلازم للابداع المهم انى مصدقك

رومانتيك

يا ريت تراجعى تعليقى الاولانى و ردى على لست ادرى
و بجد اتمنى بجد بجد اعرف انهو بوست
و يا ستى مش هعمل كده تانى

karakib said...
This comment has been removed by a blog administrator.
karakib said...

-el awel kanet bet2ool:- be7ebak maba3ref .. hen 2alouly men yomha sar el amar akbar...

-ba3din ........salemly 3aleih .. 2eloh eny besalem 3alih .. bawesly 3eneh we 2eloh eny bawes 3eneih enta yaly betfham 3aleih salemly 3aleih salem


- a7la el aw2at:) ..... dobna we ma tebna we la men el hawa te3ebna ...

- :( ...7abo ba3don tarako ba3don

-maret kam sana ...ba3dak 3ala baly ya amar el 7elwin ya zahr el teshrin ya dahab el 3'aly ...

-...... kefak enta 2al 3am bey2oloh sar 3andak ewlad ...
Fayrouz

antika

ROMANTIC ROSE said...

البوست اللي بيرن دايما هو .. "توازي" .. انا بعيش الحاله قوي قوي .. و دايما بفتكر كلامك ..

احترم وجهة نظرك ف عرض افكارك و حجب بديهياتك .. ده ممكن يعمل سسبنس اكتر و انا شخصيا بحب كده ..

بجد عودا حميدا
:)

Eman M said...

قليون من يستحقوا ان يدونوا فى قلوبنا

حلوة أوى دى