Monday, October 31, 2005

بطيخة و جرنان



يبدو أن الوقت غير مناسب للتدوين .. فبعد وجبة عشاء دسمة تجد نفسك دوما شخصا اخر خاصة
عندما تقرر أن تتجة
مباشرة نحو السرير تاركا خلفك كل ما يحدث و كل ما خلفته ورائك من فوضى
ثم
متمددا جسدك على السرير يعلوك بطنك الممتلئة بكميات لا يأكلها سيد قشطة فتلتقى بصورة لك رسمتها أنت بنفسك فى منطقة بمؤخرة تفكيرك ( وصف رائع أليس كذلك ) تبدو فيها كحيوان شره
و لكنك لا تكترث كثيرا و لا تشمئز من نفسك لانك مقتنع انك لست كذلك و لكن تلك البطن الممتلئة اللعينة هى من تصورك كذلك
بالطبع لا يأتيك نوم مع تلك البطن الممتلئة .. غريب حقا أمر هؤلاء اللذين يستطيعون النوم بعد كل هذا الاكل بل و بعمق
مرحلة اللانوم .. من المراحل التى تنفلت فيها سيطرتك على نفسك أو على خيالك اللعين و يبدأ خيالك فى المزاح السخيف فترى صديقك يمر أمامك على هيئة موزة على رأسها زيتونة ثم ترى الدكتور فى المحاضرة و قد ربط الكرافتة على فانلته الداخلية و بالطبع لا ينسى ان يصورك و انت تتحاور مع زميلتك التى بدا انفها كعلامة تعجب و عينيها كحلقات مفرغة ... هزار سخيف خاصة لو علمت انك حتما ستقابل كل هؤلاء غدا فى الكلية .. سيكون اللقاء جدير بالمشاهدة
و مع التعمق فى تلك المرحلة .. تتذكرهن جميعا .. هناء و هند و هبة و بالطبع تتذكرها معهن
..هناء كمثال للأنثى التى تمنحك قدرا من الحوار و النضج
هند كأنثى تستطيع أن تشبع الرغبة الجنسية لدى رمسيس الثانى نفسه
هبة كأنثى بلا شك تملأ حياتك بهجة و مرح
أما هى .... فأنت تعلم تماما أنها لا توفر لك أيا مما سبق .. لا نفس القدر من النضج و لا الرغبة الجنسية و لا المرح و لكنها .. تحبك حقا
تبا انها تحبك بجنون يا غبى .. سورى بس اتنرفزت نرجع لموضوعنا .. انها تحبك بجنون تام و لكن هل ستتتخلى عن كل ذلك من أجل انها تحبك هل تتخلى عن النضج و الجنس و البهجة
حقييييييييييييير ... انت بتحبها فعلا و لكنه مخك الزنخ يا بن ال.. أنت تخشى ان تضحى برغباتك الخاصة من أجلهاهى .. بالتأكيد تستطيع أن توفر لك النضج و الحوار .. و تشبع رغبتك الجنسية و تملأ حياتك مرحا و بهجةو لكنها رغباتك التى تزيد عن الحد
اه يا بطنى لماذا لا أنام ؟ .. عايز أشرب بيبس .. لكن الثلاجة فارغة تماما الان
من الواضح ان السهرة هتطول .. فتتذكر مناقشة دارت بينك و بين صديق اتفقتما فيها ان أجمل ما يمكن أن يكون فى المرأة هو ان تكون ناضجة .. تفهمك و تحاورك و لكن لماذا ( يا فالح ) عندما بدأت هى فى اظهار بعض الاهتمام بأفكارك و تحاورت معك بل و ناقشتك ... صاحت بداخلك الغريزة الذكورية و صممت ان تبدو أكثر ثقافة و نضجا منهاطب اشمعنى بتتحاور مع هناء و بتبقى مبسوط
و عن الجنس ... لماذا تتصبب عرقا عندما تجلس مع هند أما معها هى فرفضت رفضا باتا ان تمارسه معها .. هل خفت ان تتغير صورتها أمامك أم ماذا .. طب ليه حكمت عليها انها أقل جمالا من هند و انت تعلم تماما انك تعرف مفاتيح جمالها و تحتفظ بهم معك و لا يعرف سحرها غيرك
أما البهجة فأنت نفسك يا بنى ادم الذى قتلت فيها اى نوع من انواع المرح .. فعندما تراها منطلقة مرحة تمرح هنا و هناك وترتدى الجينز و البودى تشتعل نيران الغيرة بداخلك و تصمم أن تعيدها داخل القمقم الذى أحضرته من اجلها ... طب اشمعنى بتحب فى هبة انطلاقهاالغريب
انك ترفض ان تدخل مع هبة او هند او هناء فى قصة حب او ارتباط
انت لا تريد ان تعترف انها كانت افضل منهن جميعا و لكنك انت من قتلت فيها ذلك بعد ان اصبحت معك ..انت الذى قتلت فيها كل شىء جميل و لم يعد فيها شىء جميل الا شىء واحد .. انها تحبك و لا تستطيع ان تعيش بدونك انها ضعيفة بدونك
غبااااااء ذكورى حاد
و تتسائل هل تحبها !!!!!!! ... يالا مش مهم نام احسن-----------------------------------------------------------------------------------------------------------------
و لكن ماذا نتعلم من هذا الدرس

يجب الا تأكل بافترا قبل النوم

اغسل ايدك قبل الاكل و بعده

بوس ايدك وش و ضهر
خخخخخخخ

14 comments:

خجل said...

وجبه عشاء في رمضان؟!!!!!!؟

يعني فطور؟


يعني بست ايدك وش وضهر



نمت؟


لسا مش حكينا الحتوته



تصبح على خير

7ader said...

علشان كده لازم الواحد يسئل هو ليه عايز يحب ؟...
مسكة الايد نفسها لما بتكون اول مرة للاتنين ليها طعم تاني ؟...
الحب لما بيكون بين اتنين اول مرة له طعم تاني .
بس الواد ساعتها غالب مع انه بشهوته مغلوب بيقلب كل حاجه حلوة لشهوة ثم عاده من اول تليفون كل يوم وحتي كلمة بحبك
وشكراً لاتساع صدرك

ماشى الطريق said...

يا ابنى يا حبيبى انتبه لمستقبلك
ولا هناء ولا هند ولا حتى هيفاء حيفيدوك يا ابنى
امنع المصروف عنك يعنى
شباب بايظ صحيح

Unknown said...

ليه العقد دى فى الحب .. ما اللى يحب حد يحبه وخلاص من غير ما يفكر فى كل العقد دى .. مش عارفه بيتهيالى الحياه كده حتبقى ابسط بكتير

Mr-Biboooo said...

سا جماعة انا مش بتكلم عن الحب اساسا

انا بتكلم عن الانانية الذكورية فى الحب
و تفكير الرجل العادى اللى عايز كل حاجة فى الست

عادى عادى انا بهيس

المهم

خجل

و انتى من اهله يا ستى


حاضر
لا شكر على واجب


كتابة

لا لا لاااااااا

امنع عنى المصروف اطردنى بس كله الا هيفاء


مويا

اكيد و ده اللى انا بقوله اساسا لكن انا بتكلم عن العقد الدائمة و الغباء الذكورى

انا اكيد متفق معاكى

ملك said...

مش عارف بس بيتهيئلى لو فيه حب بجد هايختفى الغباء و الغرور الذكورى
الحب مافيهوش تعقيدات
زى ما منير بيقول "حب كأنك :مش فاكر ايه كده: معدى عيش عيش"

Unknown said...
This comment has been removed by a blog administrator.
Unknown said...

:)
kol sana we enta tayeb

radwa osama said...

لا بجد برافو

Mr-Biboooo said...

مالك :- والله مش بعيد

مويا :- و انتى طيبة يا باشا

رضوى اسامة : ميرسى يا فندم دى شهادة اعتز بيها هاهااهاهاا

خطوة عزيزة و اول تعليق و يجعله عامر

يا ريت تقرى الموضوع تانى هتلاقى الكلام مش بطال

manwella said...

عاجبنى اوى قدرتك على النقد الذاتى,,,,قليلين جدا اللى بيقدروا يجردوا من نفسهم شخص تانى بعين حياديه,,,,,او بالاحرى عين الاخر,,اللى ف العاده بتدّهس انسانيته تحت عجلات الانانيه

Mr-Biboooo said...

ميرسى يا مانويلا

سورى لسه واخد بالى

بس انا غلبان والله

هو انتى مقريتيش التدوينات اللى بعد كده و لا نعجبتكيش

Anonymous said...

Cool blog, interesting information... Keep it UP Blackberry and cabernet jam recipes First command financial planning new york times Percocet oxycodone no prescription needed credit cards 1971 pontiac trans am anxiety lexapro Prescription sports eyewear Military analyst jobs Club orgy pda pocket pc Rosacea helicobacter betrothed dermatol

Anonymous said...

تنسيق كليات و معاهد الهندسة الخاصة 2013
كليات الهندسة الخاصة فى مصر بالمصاريف 2013
اسعار كليات و معاهد الهندسة الخاصة 2013
مصروفات الدراسة بالكليات و المعاهد الخاصة 2013
صور بيجامات صيفي حريمي 2013
صور فساتين زفاف للمحجبات 2013
صور فساتين زفاف 2013
صور فساتين سواريه 2013 , صور فساتين سهرة 2013
فساتين سواريه للمحجبات 2013 , فساتين سهرة للمحجبات 2013
صور كلاب 2013 , صور كلاب مفترسة 2013 , كلاب بوليسي 2013
مصروفات المعهد العالي للهندسة و التكنولوجيا بالبحيرة 2013
مصروفات المعهد العالي للهندسة و التكنولوجيا بدمياط الجديدة 2013
مصروفات معهد الدلتا العالي للهندسة و التكنولوجيا بالمنصورة 2013
مصروفات المعهد العالي للهندسة و التكنولوجيا بطموه الجيزة 2013
مصروفات معهد الاهرام العالي للهندسة و التكنولوجيا 2013
وصفات طبيعية لتبييض البشرة
مصاريف الجامعات و المعاهد الخاصة 2013