Thursday, November 24, 2005

جواب غرااااااااااااااااااااامى



حبيبتى الحبوبة

حبيب قلبى

روحى و عقلى و رجلى و شرابى و كل حاجة ليها ريحة فى حياتى


بكتبلك .. فى عز الليل بكتبلك و ع الكاى بورد الجديد بكتبلك

فى ليلة عيد ميلادك الحادية و العشرين

يسعدنى انكى بلغتى سن الرشد ... طبعا لازم نحتفل بالمناسبة دى .. انا شايف ان احلى احتفال اننا نتتجوز عرفى ... و بس طبعا مقدرش اقولك كده
المهم

احب اقولك يا حبيبتى فى ليلة عيد ميلادك

ان حبنا يا حبيبتى مثله مثل كل الاشياء الجميلة فى حياتنا مؤجل

اننا نحيا حياة لا بردا فيها و لا شرابا

و نحب حبا فى حالة الاسلم و الاحرب

و نتنفس هواء ليس هواءا حتى الفراخ عندها برد يا حبيبتى

يمكن معيلة منى انى اكتب جواب بمناسبة عيد ميلادك لكن بجد مش متخيل انى هجيبلك هدية .. يع .. دبدوبة بقى ... مش كده زى احمد حلمى فى صايع بحر

دباديب
دباديب

مش عارف يا حبيبتى ايه العلاقة بين الحب و الدبدوب

ساعات بحس ان اى مناسبة بيننا لازم يخش فيها اى دبدوب .. لدرجة نى بدأت اتخنق من الدباديب

حبيبتى

بشكرك على كل لحظة حلوة قضتها معاكى و على كل كلمة هستناك قولتهالى
و بستسمحك انهارده
فى ليلة عيد ميلادك الحادى و العشرين
ان توافقى على العريس الخليجى اللى متقدملك و تخليه يجيبلى عقد عمل فى الامارات


حبيبتى

احبك .. كالورقة البيضاء فى كراسة العربى

احبك كالورقة الضفراء فى كراسة العربى بتاعة السنة اللى فاتت

احبك

لكن مش قادر اكون رومانسى خلاص مش قادر ابقى عبيط و اغمض عينى و اخد على قفايا و اقول كماااااااااااان


حبيبتى انا اتغيرت

معلش

اصحى من النومة الطويلة دى .. تلات سنين .. كفاية نوم ايه محستيش ان كل صحابك اتجوزوا و انتيمتك حامل كمان

و انتى لسه بتكلمينى سرقة فى التليفون

حبيبتى انتى عندك واحد و عشرين سنة فوووووووووقى انا بحبك اه لكن مش هنفعك

حبيبتى

انا بحبك لكن طعم الحب اتغير وورق البفرة صغير

و الايام الحلوة بتعدى فى ثوانى


يومين و اسمعى العالم منتهاش

حبيبك المخلص

س


ملحوظة

برجاء الاهتمام بموضوع عقد العمل



23 comments:

ماشى الطريق said...

مش عارف أقولك ايه يا إبنى البوست زى العسل بس إنت قطعت قلبى معاك
ملعون أبو الدباديب اللى تفرق قلبين بيحبو بعض

HERA said...

البوست بتاعك ضحكنى وبكانى
وحيات أعز ماتملك بليز اوعى تبعت الجواب الغراااااااامى ده لحبيبتك الحبوبة
وفكك بقى من عقد العمل ده وتعالى هنشغلك فى عزبة دادى
شكلك عامل دماغ جامدة ع الصبح

Ghada said...

على قد ما ضحكتني على قد ما وجعتني..
عيشة إية المؤجلة دي اللي كل حاجة فيها مستنية صدور إشعار آخر..
أنصحك تفكر في عرض العزبة بتاع هيرا..
معلش يا بني

نــــــــدي said...

عســــــــــــــل
مش ممكن
اوعى تور يها الجواب دا

ايــــــــــــــــــوب said...

يا قلة الذل انا ناوى
ما أشرب ولو فى المية عسل

Bent Masreya said...

زيهم كلهم

ضحكتنى ووجعتنى

غريبة يا بيبو، انت اكتر واحد محافظ على خط البلوج بتاعك.. بتتكلم عشان تحس انك بنى آدم.. بتتكلم وبتخلينى اشوف البنى آدمين بيفكروا ازاى.. وحش وحلو

Moia said...

مع ان كل الناس قالتها بس برده لازم اقولها اول مره أعيط واضحك فى نفس اللحظه
بجد رائعه
مش عارفه اقولك ايه تانى بس يارب ينولك اللى فى بالك ويديك اللى يرضيك... :)دعوه جدتى للناس المخصوصه

sydalany-وش مكرمش said...

هاااايل
عجبني البوست ده أوي
يخرب بيت دماغك

Mr-Biboooo said...

يا جماعة متقلقوش مبعتش الجواب ده انا بفضفض ده انا حتى جبتلها هدية خربت بيتى

كتابة: الحمد لله واحد غيرى بيكره الدباديب

هيرا :ولا دماغ و لاحاجة انا دماغى على طول كده ثم ايه عزبه دادى دى مش ده فيلم رد قلبى هاهاها انا مستعد يا انجى هاهاه

غادة : منورة يا غادة و ايدى على كتفك اتوسطيلى عند هيرا بقى

Mr-Biboooo said...

فيونكة : هاهاهاه لا متقلقيش

ايوب : انا كمان بحب المقطع ده
بنت مصريه : ربنا يكرمك على فكرة النيو لووك فى البلوج بتاعك جامد

مويا : هاهاهاهاهاه ربنا يخليكى يا مويا

وش : يا باشا دى شهادة تقدير

Romantic Rose said...

اقترح اسم للبوست ده .. فوقة الحبيب بعد سكرة سنين .. أو .. الحب ف الالفية التالته .. لا حول ولا قوة الا بالله العلي العظيم ..

islam yousef said...

اغنية شعر كمبيوتريه بصحيح

Taher said...

ما دمنا فى زمن الديك اللى بيحب الوزة اكيد كل حاجة جتبقة مؤجلة الا اذا الديك والوزة اتجوزوا

أبوشنب said...

ٍسيبك من كل التعليقات اللي فاتت بتاعة الحب والدباديب
خلينا في عقد العمل بتاع الامارات
لو حبيبتك سافرت هناك خليها والنبي تسأل عن عبير (اللي كانت حبيبتي واتجوزت وسافرت من 6 سنين ووعدتني بعقد عمل ولا ردت لغاية دلوقتي ) ملحوظة هامة عمري الان 27 سنة كلهم مؤجلين يا بتوع الدباديب

Shoks said...

انا بقي ممكن تكون مش زيهم اوي انا مش عارف الحاجات المفروض تضحك بتعدي عادي بس كنت هاعيط يخرب بيت كده ( هي كانت بتقولي انت غاوي نكد :(
يالا مش مهم حصل خير

ملحوظه ( لما تروح الامارات مش تنسي اخوك " انا " )

أبوشنب said...

من غير جوابات واسطر وحروف
من غير دباديب
ودموع
وورود جوه السيلوفان ملفوف
راجع ردي
في مدونتي
لمــــا بكيت حبيبتي
عالرابط ده
http://aboshanab.blogspot.com/

ام المريله الكحلى said...

مش عارفه اقولك ايه لكن عارف ان الكلام ده حقيقى جدا
وانى بجد مش عارفه ليه منتشر كده الكل بيجيب دباديب والكل ماجل احلامه ومعتمد على .....عقد العمل.... قال ايه هو ده اللى هايخليه يبقى مليونير الكل بيحلم بشنطه الفلوس المليانه مرميه على الرصيف ياااه
بقولك لما تسافر ماتنساناش .ولا احنا مانشبهش هههههه تحياتى يا مفترى

Sarwa said...

ها بعت الجواب؟
وهيه بعتتلك العقد ولا دنأت؟

rania said...

السلام عليكم:
كلمة صغيرة او تعليقة صغيرة انو الحب ما بوقف على الضوءؤ الاحمر... تانيا الحب ما بوقف على الاعمار ومش كل العالم لازم تكون زي بعضها وهدا هو
سلاااااااااااااااااااامو

Anonymous said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

Ahmed Ashraf said...

رئيسية الموقع :
مصر اليوم
اخر مواضيع منتديات مصر اليوم :
ترددات قنوات النايل سات الجديدة
اهلا بكم , اضع لكم موقعى لتتطلعوا عليه

منتديات مصر اليوم هى منتديات عامة تهتم بالكثير من الاشياء المصرية . منتديات مصر اليوم هى منتديات عربية عموما مصرية خصوصا و هى منتديات عامة تهتم بكل ما يهتم به الشباب المصرى من الحوار او النقاش او اخر الاخبار او جديد الصور و الاغانى و الالبومات و الكليبات و الافلام و النكت و الفيديوهات و الموبايلات و تحتوى على اقسام مميزة مثل قسم اللغة الانجليزية و قسم اصحاب المواقع و المنتديات و قسم البرامج و القسم الاسلامى و قسم المرأة و قسم الرومانسية و الرياضة المصرية و الكثير ....
شاهد اقسام المنتدى :
اخبار مصر صور نكت مصرية اغانى قنوات و ترددات اخبار الرياضة المصرية مشاهدة مباريات بث مباشر اسعار السيارات

Anonymous said...

تردد قناة mbc مصر على النايل سات 2013
مشاهدة قناة mbc مصر بث مباشر
وظائف الوزارات المصرية 2013
وظائف الحكومة المصرية 2013
احدث عروض كارفور مصر الهايبر ماركت
اماكن و فروع كارفور مصر
نكت مصرية قليلة الادب 2013
صور , نكت اساحبى 2013
صور نكت على جمال و علاء و حسنى مبارك
مشاهدة قناة النهار بث مباشر
تردد قناة 25 يناير على النايل سات 2013
ترددات قنوات المصارعة على النايل سات 2013
ترددات قنوات النايل سات الجديدة 2013
ترددات قنوات النايل سات الجديدة
الموقع الرسمى لقناة الحياة الحمرا
الموقع الرسمى لقناة النهار
الموقع الرسمى لقناة الفراعين
ترددات قنوات النايل سات الجديدة 2013
مشاهدة جلسات مجلس الشعب اون لاين
مشاهدة جلسات مجلس الشعب بث مباشر
مشاهدة قناة صوت الشعب اون لاين
ترددات قنوات النايل سات الجديدة بعد التعديل
مشاهدة قناة صوت الشعب بث مباشر
الموقع الرسمى لقناه مودرن سبورت
مشاهدة قناة 25 يناير بث مباشر اون لاين
مشاهدة قناة اليوم بث مباشر اون لاين بدون تقطيع - القاهرة اليوم
مشاهدة قناة الجزيرة مصر بث مباشر اون لاين بدون تقطيع
رسائل قصيرة للاصدقاء
كود تحويل رصيد من فودافون الى فودافون
طريقة تحويل الرصيد فودافون
اسعار الموبايلات النوكيا المستعملة فى مصر
اسعار الذهب اليوم فى طنطا
اسعار السيارات المستعملة فى مصر بالصور 2013
اسعار السيارات فى مصر 2013 بالصور
سعر موبايل نوكيا بخطين Nokia e97
صورة اجمل امراة فى مصر 2013 , اجمل امراة فى العالم 2013
صور تامر حسني و بسمة بوسيل زوجته
نكت صعايدة

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول