Sunday, December 11, 2005

حالة خاصة ..او جزرة مش عارف






انا اعرف تماما اننى عندما اهز رأسى بهذا الشكل فأنا قد أصبت بالملل ........... دى حاجة

المشكلة انى لا اكف عن هز راسى هذة الايام و طوال الوقت

دى حاجة تانية
----------------------------------------------------

كنت قد تركتها منذ فترة و قررت ان اطوى تلك الصفحة المطوية اساسا .. لكن تشاء الظروف ان نجتمع مرة اخرى .... نظرت لى تلك النظرة المستكينة التى تتهمك بالقسوة . .. حاولت ان استعيد جزءأ من مشاعرى تجاهها . حاولت ان ابحث عن شىء ما .... اى شىء .. و لكنى فشلت

و دى حاجة صعبة

-------------------------------------------------

أنا اعرف تماما اننى عندما انظر تلك النظرة فان ما انظر اليه اصبح يثير اهتمامى فعلا ............. دى حاجة

المشكلة انى نظرت اليها تلك النظرة و لا استطيع ان اخفى ذلك حتى عن نفسى و لا عن حبيبتى الاولى
و دى حاجة صعبة برضه

-----------------------------------------------

بص

اشياء كثيرة من حياتك تبعثرت .. لسبب او لاخر .. جميل؟ .... أخذت فترة كبيرة اكثر من سنة و نص لتعيد ترتيبها حتى نجحت فى النهاية جميل مش كده

المشكلة انك فجأه تشعر بالملل من هذا الترتيب الذى تشعر انه افقدك الجمال فى حياتك
تريد ان تثور على كل ذلك و لكنك تخاف . تخاف من اشياء كثيرة

نظرة الناس لك . هؤلاء اللذين نجحت فى كسب اعجابهم و صداقتهم

نظرتك لنفسك

ضياع كل هذا النجاح و التعب لمجرد رغبة فى مغامرة

فاهم

طب حد فااااااااااااااهم

-------------------------------------------

لمزيد من الشرح .... مثال محلول

س ربنا كرمه و داخل مطعم خمس نجوم بعد ما قعد يحوش فى تمنه سنة و نص بحالهم

فجأة يلاقى ص واقف بره المطعم يقوم دافع كل الفلوس اللى قعد يحوش فيها و يسيب المطعم بعد ما قعد بس خمس دقايق و يكمل اليوم مع ص و يتمشوا على الكورنيش

ده مثال طبعا

-----

لو فهمت حللى المسألة دى بقى

س

عيل عنده خمس سنين . عنده لعب كتير .. اوى اوى كمان............. كل الاطفال اللى فى سنه بيحقدوه عليه و بيعتبروه محظوظ

فجأة

تجيله هدية .. صندوق مقفول . ميعرفش ايه اللى جواه

المطلوب بقى انه يسيب اللعب دى كلها و ياخد الصندوق او يسيب الصندوق المقفول و يخلى اللعب معاه

و قدامه رغبته فى الصندوق و خوفه من انه يزهق من اللعب

----------------
انا مش عارف انا بعمل كده ليه

--------



22 comments:

HERA said...

يا حبيبى يا بنى
طب قوللى هوه الصندوق كبير وللا صغير؟؟؟
عشان انا متاكده انك هتندم طوووووول عمرك ع الصندوق وهتحس انه ده اللى كان هيحييك وبمجرد ماتختار اللعب هتكرهها فاختار الصندوق وتحمل المسئوليه حتى لو كان فاضى
وبعدين ماللعب ماليه الشوارع يا عم شاور انت بس

Eman M said...

الإختيار يعتمد على أهمية اللعب اللى فى إيديه بالنسباله
لو تهمه بجد، مش هيستغنى عنها بأى حاجم تانية مهما كانت

ka3'eem said...

اتبع قلبك.............فولو يور هارت يا بيبو

Romantic Rose said...

لو انا مطرحك هتمسك باللعب اللي معايا و احاول اكسب حب الاطفال اللي بيحقدوا عليا لان كوني عندي لعب كتير و هم لآ دي حاجه بتاعة ربنا و هدعي ربنا يرضوا يشاركوني و يبطلوا يبحلقوا ..

مسألة الصندوق دي بقي هسقطها خالص من حساباتي ولا كأني شفته ولا كأنه أتعرض عليا.

Taher said...

بجد انت جيت على الجرح بس انا اقتنعت فى حاجة معينة وهى ان اللى انت كسبتهم دول معظمهم مش حيقبل منك اى حاجة حيحسو انك بيها متغير
بجد اعمل اللى انت شايف انه حيريحك ويخليك تمام
بالمناسبة انت مش حينفع ترضى كل الناس
واللى عاوز بيبو بحلوه ومره يستنى
والل عازه علشان هو متفق معاه اعتقد انه حيبقى ملوش ازمة
لو قاصد اللل انا فاهمه يبقى حتفهم اللى انا اقصده

احمد فوزى said...

افتح الصندوق
فى الهزل يكمن شىء من الحقيقة

Geronimo said...

خد الصندوق واتكل على اللي خلقك
اللعب واديك اخدتها ف يوم ولعبت بيها
لكن الصندوق مش يمكن فيه لعبة احسن من كل اللعب .... خليك مغامر وجدد حلمك

Mr-Biboooo said...

هيرا
مش عارف حاسس ان الموضوع مش بسهولة الاختيار الموضوع اكبر ...... انا لو اخترت الصندوق حاجات كتير هتتغير

ايمان
اكيد اللعب تهمنى بحكم انى بنى ادم و مرتبط بالماضى لكن المستقبل له بريق يستحق المغامرة .. مش عارف يمكن الموضوع مرتبط بالرضا و عدم الرضا او مرتبط بالبحث الدائم عن السعادة مش عارف

كاااغيم
اولا انا حاسس انك عسل معرفش ليه .. المهم اكيد بتبع قلبى بس المرة دى الموضوع مش موضوع حب بنت بس لا .. ده مثال لسيستم كامل فى حياتى

رومناتيك

صدق من سماكى رومانتيك
المشكلة انىت زيك كده بفكر بتلقائية و شفافية لكن تقولى ايه بقى الشيطان عايزنى اقلب حياتى كلها .. معمركيش كان نفسك فى كده

Mr-Biboooo said...

طاهر

بجد انت بتجيب من الاخر

احمد فوزى
مش جايزاحن للعب . ماهى دى المسألة

جيرمينيو

اهو انا عايز روحك دى عشان احسم الموضوع

Mr-Biboooo said...

يا جماعة بس توضيح
الموضوع مش موضوع بنت
الموضوع عايز قرار حازم
يعنى سؤال ترضى تغير حياتك دلوقتى حالا كومبليتلى ديفرنت
اجابة اه و لا
بس عشان كده محتار لانى قدامى الفرصة دى

لكن حياتى الحالية مش وحشة
حد فاااااااااااااااهم

ابن مصر said...

يا جدع انت صلي عاليشفع فيك صندوق ايه وقزازة ايه الصندوق حيطلع فيه فيل
صباحو منور طبيعي

Mr-Biboooo said...

عليه الصلاة و السلام

فيل؟؟؟

يااااه ده انت قديم اوى

عموما صباحو ورد جناين

ماشى الطريق said...

بص يل إبنى أنا قعدت أفكر وأفكر
فى الأخر ما وصلتش لنتيجة
زى أى إختيار بين حاجتين
باختار حاجة منهم بعد تفكير طويل
وبعد كده أقعد ندمان إنى مخترتش الحاجة التانية
هيه دنيا

ka3'eem said...

والله يا بيبو القلوب عند بعضها و انت فعلا اقرب المدونين الي قلبي بس خايف يفهمونا غلط:), بص يا عزيزي انا اتعرضت لموقفك دا كتييييييييير اوي و اكتشفت حاجة غريبة...ان المشكلة مش في الاختيار نفسه اد ما هي في شخصيتك و تصميمك انك تنجح في الاختيار ايا كان...فرويد ليه جملة عظيمة...بيقول الشخصية مصير
character is destiny

مفيش ضمانات...فيه ناس بيخاطروا و يخسروا بس المعظم بيكسب...كل الناجحين بلا استثناء خاطروا و خسروا في فترة من حياتهم بس بسبب شخصيتهم الي هي مصيرهم وقفوا تاني و نجحوا في وقت قصير... نصيحتي: اختار نفسك و شخصيتك.اختار انك تكون راجل بجد...الاختيارات التانية مش حتفرق اوي طالما الاساس سليم

و ابقي طمنا عل النتيجة

ملك said...

بجد الموضوع ده مهم
بس محدش هايقدر يجاوب على السؤال غيرك لأنك ببساطة معاك كل الكروت
يعنى حياتك دلوئتى ممكن تكون مش وحشة لكن نقدر نقول جميلة و رائعة كمان بس السؤال انت حاسس بالجمال ده و لا لا

بص اللى انا فهمته الله اعلم صح و لا لا انت دلؤتى عايش حياه عمليه يعنى ممكن شغل كويس او انت كويس فى عملك او دراستك او الحاجه الى بتعملها و قدامك فرصة انك تتخلى عن كل النجاح ده و تروح تعزف مثلاً او تمثل و تسافر تعمل حاجه انت فعلاً بتحبها. لحد كده كويس ولا انا غلطان؟؟؟

Mr-Biboooo said...

تمااااااااااااااااااااااام يا ملك

بس الاختيار صعب

yara said...

الاختيار صعب؟
بص ياعم بيبو
لو الفرص اللى بتعدى علينا فى حياتنا فيها كل اللى بنتمناه ونسيبها نبقى اغبيا ولو فيه فرصة افضل من اللى انت فيه بفارق واحد من مية يبقى ماتضيعهاش
وبعدين انت بتقول ان اللى انت فيه مش وحش لو انت مبسوط بحالك دلوقتى ماكنتش فكرت فى حاجة تانية

Anonymous said...

السلام عليكم:
انا من فلسطين بس حابة احكيلك على هدا الموضوع وبعدين راح اعلقلك على موقعك بشكل عام... هلأ على حسب ما انت كاتب انه هدا الطفل برأيك اذا انت حليته راح يسيب اللعب تبعونه وراح يروح يشوف شو جوا الصندوق اما من وجهة نظري فانا بحكي انو هو مش من المفروض انو يترك اللعب تبعونه اللي عاش معاهم تقريبا 3 سنين وهي فترة مش قليلة ويروح يفتح الصندوق دي تبقى خياااااانة هههه مش خيانة يعني بس يلا..
ولازم يفكر الطفل قبل ما يفتح الصندوق

Ahmed Ashraf said...

رئيسية الموقع :
مصر اليوم
اخر مواضيع منتديات مصر اليوم :
ترددات قنوات النايل سات الجديدة
اهلا بكم , اضع لكم موقعى لتتطلعوا عليه

منتديات مصر اليوم هى منتديات عامة تهتم بالكثير من الاشياء المصرية . منتديات مصر اليوم هى منتديات عربية عموما مصرية خصوصا و هى منتديات عامة تهتم بكل ما يهتم به الشباب المصرى من الحوار او النقاش او اخر الاخبار او جديد الصور و الاغانى و الالبومات و الكليبات و الافلام و النكت و الفيديوهات و الموبايلات و تحتوى على اقسام مميزة مثل قسم اللغة الانجليزية و قسم اصحاب المواقع و المنتديات و قسم البرامج و القسم الاسلامى و قسم المرأة و قسم الرومانسية و الرياضة المصرية و الكثير ....
شاهد اقسام المنتدى :
اخبار مصر صور نكت مصرية اغانى قنوات و ترددات اخبار الرياضة المصرية مشاهدة مباريات بث مباشر اسعار السيارات

Anonymous said...

تردد قناة mbc مصر على النايل سات 2013
مشاهدة قناة mbc مصر بث مباشر
وظائف الوزارات المصرية 2013
وظائف الحكومة المصرية 2013
احدث عروض كارفور مصر الهايبر ماركت
اماكن و فروع كارفور مصر
نكت مصرية قليلة الادب 2013
صور , نكت اساحبى 2013
صور نكت على جمال و علاء و حسنى مبارك
مشاهدة قناة النهار بث مباشر
تردد قناة 25 يناير على النايل سات 2013
ترددات قنوات المصارعة على النايل سات 2013
ترددات قنوات النايل سات الجديدة 2013
ترددات قنوات النايل سات الجديدة
الموقع الرسمى لقناة الحياة الحمرا
الموقع الرسمى لقناة النهار
الموقع الرسمى لقناة الفراعين
ترددات قنوات النايل سات الجديدة 2013
مشاهدة جلسات مجلس الشعب اون لاين
مشاهدة جلسات مجلس الشعب بث مباشر
مشاهدة قناة صوت الشعب اون لاين
ترددات قنوات النايل سات الجديدة بعد التعديل
مشاهدة قناة صوت الشعب بث مباشر
الموقع الرسمى لقناه مودرن سبورت
مشاهدة قناة 25 يناير بث مباشر اون لاين
مشاهدة قناة اليوم بث مباشر اون لاين بدون تقطيع - القاهرة اليوم
مشاهدة قناة الجزيرة مصر بث مباشر اون لاين بدون تقطيع
رسائل قصيرة للاصدقاء
كود تحويل رصيد من فودافون الى فودافون
طريقة تحويل الرصيد فودافون
اسعار الموبايلات النوكيا المستعملة فى مصر
اسعار الذهب اليوم فى طنطا
اسعار السيارات المستعملة فى مصر بالصور 2013
اسعار السيارات فى مصر 2013 بالصور
سعر موبايل نوكيا بخطين Nokia e97
صورة اجمل امراة فى مصر 2013 , اجمل امراة فى العالم 2013
صور تامر حسني و بسمة بوسيل زوجته
نكت صعايدة

Anonymous said...

تنسيق كليات و معاهد الهندسة الخاصة 2013
كليات الهندسة الخاصة فى مصر بالمصاريف 2013
اسعار كليات و معاهد الهندسة الخاصة 2013
مصروفات الدراسة بالكليات و المعاهد الخاصة 2013
صور بيجامات صيفي حريمي 2013
صور فساتين زفاف للمحجبات 2013
صور فساتين زفاف 2013
صور فساتين سواريه 2013 , صور فساتين سهرة 2013
فساتين سواريه للمحجبات 2013 , فساتين سهرة للمحجبات 2013
صور كلاب 2013 , صور كلاب مفترسة 2013 , كلاب بوليسي 2013
مصروفات المعهد العالي للهندسة و التكنولوجيا بالبحيرة 2013
مصروفات المعهد العالي للهندسة و التكنولوجيا بدمياط الجديدة 2013
مصروفات معهد الدلتا العالي للهندسة و التكنولوجيا بالمنصورة 2013
مصروفات المعهد العالي للهندسة و التكنولوجيا بطموه الجيزة 2013
مصروفات معهد الاهرام العالي للهندسة و التكنولوجيا 2013
وصفات طبيعية لتبييض البشرة
مصاريف الجامعات و المعاهد الخاصة 2013

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول