Monday, January 30, 2006

قطع مكسورة تكتب عن نفسها


بحكم العادة اكتب هذه المرة حتى لاينتابنى الاحساس بالفتور او عدم الجدوى
---------------------------------------------------------------------------
اكتشفت مؤخرا .. قد يكون بالامس فقط انى لم اعد قادرا على ان اتكلم عن الحب مع اى شخص ايا كان حتى لو كان هذا الشخص هو التجسيد الحى لكيوبيد على الارض
اكتشفت متأخرا .. و قد يكون بالامس فقط ايضا انى لم اعد قادرا على الكتابة الا عن الحب .. الحب باى حال من الاحوال .. حتى و ان لم اكتب عن الحب كموتيف او موضوع رئيسى يعنى فان الحب يتسلل الى كتاباتى و ينفذ الى السطور شئت ام ابيت

لم اعد قادرا على فهم هذه الشيزوفرينيا المضحكة بل و المخجلة و قد نضيف صفة اخرى و هى المخذلة

الغريب فى الموضوع ان قصص الحب اصبحت تصيبنى بالغثيان و بالملل و تضفى على احساس التكرار و التشابة و لكن فى الوقت ذاته اعلم اننى فى المساء سأمسك بورقة و قلم او كيبورد و منويتور لاسجل سطورا اخرى عن الحب قد تصير سطورا جيدة و لكنها فى الاصل نسخة مستهلكة و مكررة و منهكة من نسخ الكتابة عن الحب


عندما انظر خلفى ( استعارة مكنية ) .. اجد ان الجميع ما زالوا يسعون نحو الفوز بقصة حب جديدة .. الحقيقة لم اعد اهتم بذلك .. الحقيقة انى لم اعد اهتم على الاطلاق و هنا نقطة تحول

-------- ما بعد النقطة :-

عندما افتش فى ادراجى القديمة اجد اشياءا لم اعد اعى معنى لوجودها بعد كل هذا الوقت هنا فى حجرتى ... اشياءا كنت حريصا على ابقاءها هنا طوال الوقت كما كنت حريصا على اخفاءها عن اعين المتطفلين

منذ فترة عندما كنت امر بلحظة اكتئاب او احباط او قد نضيف مللا .. كنت الجأ لهذة الادراج لاخرج بعض الاوراق و الصور و القطع المكسورة و اجلس معها لاسترجع من كل ورقة او صورة او قطعة احساسا مبهما يولد متعة ما تماما عندما تزور مدرستك القديمة
و لكن الان لم اعد اكترث كثيرا

الحقيقة انى اكتشفت مؤخرا ان المساحة التى تشغلها اشياءى الجديدة اصبحت تطغى على مساحة اشياءى القديمة و ان كل ما هو قديم ينقرض من حياتى اصبحت اشعر ان هناك ميلادا جديدا يحدث
اعلم ان القديم يبلى و لكنه هنا ينقرض

بدأت أشعر أن ثمة شخص اخر هنا غيرى شخصا لا يبالى تماما بالشخص الذى ادى باخلاص مهمته على طوال هذة السنوات محققا نجاحات لا بأس بها و اخفاقات لا حصر لها
اصبح داخلى شخصا اخر اكثر أنانية يفرض نفسه بقوة يصدر فرمانات لتقييد كل ما هو متعلق بالشخص القديم
لم يعد يسمع فيروز
يتخلى عن قصة حبه بسهولة القاءة لغلاف شيكولاته مورو
لم يعد يأكل مورو
قرار بتغير المقهى الذى ظل يستضيفنى على مدار سبع سنوات حاملا معه ذكريات طائلة
لم يعد متحمسا
و هنا نقطة هامة تستحق ان تكون بين قوسين

----- ما بين القوسين :

الشخص القديم الذى كان يتولى مسئولية ان يكون العبد لله .. كان دوما متحمسا تستطيع ان تقنعه بسهوله ان يترك فراشه فى برد الشتاء و تعب الليل لكى يركب قطارا يبعده عن بيته مئات الاميال فقط للحصول على شرف مغامرة جديدة .. كان يمكنه ان يفعل كل شىء فى نفس الوقت بنفس القدر من الحماس للحصول على شرف المغامرة

----- جملة اعتراضية
الشخص الكابس على نفس الشخص القديم صار عجوزا فى حركته و احلامه و حماسه و لكنه حتى الان لم يستطيع ان يقتل فى داخلى الشخص القديم

---عودة للبوست

بعد تفكير شبة عميق و لكنه ليس عميقا على الاطلاق اكتشف ان الموضوع كله موضوع ثقة .. اكيد الشخص القديم ده فقد الثقة فى نفسه فلقد زج بنفسه فى قصة حب لم يستطع ان يصل بها لشاطىء
و بسبب حماسه فتح و بارادته مساحات كثيرة متباينة تماما لم يستطع بقدرته كبنى ادم عادى ان يغطيها فاحتاج لشخص اخر سوبر يجعله يلحق باى حلم من احلامة المتناثرة هنا و هناك
و لكن الشخص السوبر لم يكن سوى مرحلة انتقاليه لتسلم زمام الامور للشخص الجديد بكل فتورة و روتينه و ملله بكل افكارة التقليدية

مؤخرا و متأخرا فقط فهمت لماذا يندهش منى الاصدقاء منذ فترة و يصرون انى تغيرت و لم اعد ابعث البهجة لهم وألفها لهم فى بوكية ابتسامات
لم اعد قادرا ان اقنعهم بضرورة الحلم و جدواه و بضرورة ان يحيا الانسان غير تقليدى و كل هذا الهراء
--------------
ما بعد البوست :-
بعد ان قرأت ما كتبت مرة اخرى جاءنى احساس بان ما حدث لى هو ما حدث لابى و ابيك و عمى و عمك و كل هؤلاء التقليديين المنتشرين فى مجتمعنا .. كلهم فقدوا حلمهم فى الاضافة او التميز فصاروا روتينيين

انا لست حزينا كما يبدو انا سعيدا ايضا و لكنى اكره الروتين بجنون تماما كنكته الاعمى الذى يخاف من الضلمة
و عادة الاعمى الذى يخاف من الضلمة بيفتح و لذلك فلاعتبر تلك الفترة هدنة من الاحلام و شرف المغامرة... و بعد فترة سأعيد ترتيب كل اوراقى و صورى و قطعى المكسورة




23 comments:

Alexandra said...

ونحن نحب الحياة اذا ما أستطعنا اليها سيبلا
محمود درويش

Moia said...

:( !! ..عارف يا بيبو ... بصره

Nour said...

*
مؤخرا و متأخرا فقط فهمت لماذا يندهش منى الاصدقاء منذ فترة و يصرون انى تغيرت و لم اعد ابعث البهجة لهم وألفها لهم فى بوكية ابتسامات
*
أففففف بجد

Dalia Fouad said...

واضح ان الحال من بعضه
ولكن أسلوبك متميز جدا
أحسنت

السهروردى said...

مش عارف أقولك إيه ....بس عارف أنت قولتها بنفسك دى مجرد مرحلة انتقالية ...مرحلة ما بعد الأنهيار ....الأنسان مش دايما فوق و لا دايما تحت ....و لا دايما فى حالة متوسطة!

ماشى الطريق said...

هوا مين اللى كاتب البوست ده
انا ولا إنت
أحسنت يا ولدى ليك عندى واحدة مورو

wa7da said...

مؤخرا و متأخرا فقط فهمت لماذا يندهش منى الاصدقاء منذ فترة و يصرون انى تغيرت و لم اعد ابعث البهجة لهم وألفها لهم فى بوكية ابتسامات

اتمنى فعلا تكون مرحلة انتقالية .. علشان انا كمان بعدي بيها ....... بوست جامددد

From East to West said...

----- جملة اعتراضية
الشخص الكابس على نفس الشخص القديم صار عجوزا فى حركته و احلامه و حماسه و لكنه حتى الان لم يستطيع ان يقتل فى داخلى الشخص القديم

الشخص القديم شكله كان اكثر شباباً و عاطفية...ياريت يرجع بالسلامة بسرعة
:-)

أبوشنب said...

وإحساسه بدأ يصلع أيضاً

للأسف

Taher said...

احساسك عالى جدا بجد بالنسبة للكتابة
بالنسبة للموضوع اللى حصلك وحصل للكتير مش شرط يكون علشان انت تقليدى ممكن الطرف الاخر هو الى تقليدى
خليك فى الاصل وارجع بيبو اللى انا بتحكى عنه بتاع زمان وانا مش شايفه صدقنى انا حاسس انه جميل جدا
لان واضح ان الموضوع ده معلق معاك من فترة كده

change destiny said...

أما عن الحب فهو من بضع المسلمات التي يتخذها الناس والتي أعتيرها أنا أخطاء الشائعة
مش عشان هي حجات نادرة أو عشان يمكن الاختلاف عليها لكن عشان دي كدبة البني ادمين كدبوها و صدقوا نفسهم و عاشوها و توارثوها

و أما عنك حاسب لتتعود على الحالة . لأحسن بعد الشر يبقى بيبو القديم هو اللي حالة

ka3'eem said...
This comment has been removed by a blog administrator.
ka3'eem said...

كان نفسي اكتب لك اي حاجة يل بيبو بس فعلا مش عارف...انت اكتر واحد عارف هو عاوز ايه

Romantic Rose said...

سؤال غريب شويه بس استحملني .. انت عمرك كام سنه ؟؟

يا عيني علي الشباب و اللي هما فيه .. اوعي بالله عليك تتحول لهذا الشخص النمطي التقليدي .. لا تستسلم .. مش عارفه ليه حسيت ف لحظه انك بقيت الرمز .. هتنهار ولا هتصمد ؟؟

Mr-Biboooo said...

الكسندرا

فعلا عندك حق او عند محمود درويش

مويا تصدقى انا جاسس ان فيه بينى و بينك البصرة دى فعلا

نور : ده ايه الافئفة دى يعنى كويس و لا وحش

داليا فؤاد : الحال من بعضه ؟ ربنا معاكى و على فكرة اسمك فنى خالص

السهروردى : اتمنى فعلا انها تكون حالة انتقالية

ماشى الطريق : يبقى انا و انت و مويا و كاليا اللى كاتبين هييييه انا مش لوحدى

من الشرق للغرب : اوعدك و فيه مؤشرات كويسة انه بدأ يرجع

ابو شنب ك لا اوعى تسكت ع الموضوع ده

Mr-Biboooo said...

طاهر : جميل انك تلاقى حد يفهمك كده و متشكرين على مجاملتك بالنسبة لكتابتى

change destiny :
الحب هو اللى كدبة و لا المسلمات ؟
ان شاء الله بيبو راااااااااااااااجع

كاغغيم : انت متقولش حاجة انت بس تعدى ع البلوج و انا ابقى سعيييد و على فكرة انا فعلا اكتر واحد لازم يبقى عارف هو عايز ايه

رومانتيك روز :
يا نهار ابيض ... انا رمز ؟ .... حرام عليكى بس تصدقى فعلا فى ناس كتير زيى بدليل التعليقات اللى فوق لكن انا ان شاء الله هكون احسن من الاول .. انا فى بداية العشرينات

change destiny said...

وجود الله من المسلمات يبقى مين فيهم اللي كدبة ؟

aliaa abdalfatah said...

السلام عليكم ورحمة الله وبركاته
انا أول مرة أعلق على مدونتك بس فعلا بوست هايل جدا و الاجمل فيه إنه بيعبر عن الحالة اللي أنا عايشاها دلوقتي واللي بسببها يمكن شوفت موضوعك !!!!!! فعلا أنا حاسة إنك قلت على لساني كل حاجة أنا حاسه بيها بس للأسف أنا بقالي في الحالة دي حوالي شهر ونص أهو ونفسي أرجع زي الأول أرجع لحماسي وأحلامي وطموحاتي لكن للأسف الموضوع طول معايا أوي خايفة أتحول زي ما إنت كتبت لأمي أو خالتي أو عمتي وتاخدني الدنيا زي ما خدت ناس كتير وأتخلى عن كل أفكاري
ربنا يستر
بس في حاجة مخلياني متفائلة ......... البوست بتاعك حسسني إن في امل وأن في ناس كتير عندها نفس الاحساس ده
يا رب ترجع زي زمان وأرجع أنا كمان وكل اللي تاهو من نفسهم يلاقوها ويقدروا يرجعوا أحلامهم وطموحاتهم ويفضلوا دايما متميزين وغير تقليدين
مرة تانية البوست ماشاء الله هااااااااااااااايل

Anonymous said...

Excellent, love it! buy used aston martin db9 linx vinyl plotters http://www.incorporate-5.info/Sellonebayincorporate.html Sport horse show in syracuse Lesbianas enceradas antidepressant medication

Anonymous said...

Keep up the good work »

Anonymous said...

That's a great story. Waiting for more. Melie bianco handbags Waterfiltersfast.com amana refrigerator water filters Finance subaru Students information on how to quit smoking liquid vitamin Smoking life assurance play free slots Tax deduction for goodwill irs Skechers timmy low harness logger boots

Ahmed Ashraf said...

رئيسية الموقع :
مصر اليوم
اخر مواضيع منتديات مصر اليوم :
ترددات قنوات النايل سات الجديدة
اهلا بكم , اضع لكم موقعى لتتطلعوا عليه

منتديات مصر اليوم هى منتديات عامة تهتم بالكثير من الاشياء المصرية . منتديات مصر اليوم هى منتديات عربية عموما مصرية خصوصا و هى منتديات عامة تهتم بكل ما يهتم به الشباب المصرى من الحوار او النقاش او اخر الاخبار او جديد الصور و الاغانى و الالبومات و الكليبات و الافلام و النكت و الفيديوهات و الموبايلات و تحتوى على اقسام مميزة مثل قسم اللغة الانجليزية و قسم اصحاب المواقع و المنتديات و قسم البرامج و القسم الاسلامى و قسم المرأة و قسم الرومانسية و الرياضة المصرية و الكثير ....
شاهد اقسام المنتدى :
اخبار مصر صور نكت مصرية اغانى قنوات و ترددات اخبار الرياضة المصرية مشاهدة مباريات بث مباشر اسعار السيارات

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول