Sunday, July 30, 2006

اتفرج يا سلام




المضحك فى اللأمر أنى ألقيت القبض على نفسى متلبسا و أنا غزالتى رايقة ... و فاانى و ماشى بهزر و و جميل خالص ... فقلت بسرعة ألحق أدون اللحظة التاريخية دى .. بقالى أكتر من شهرين بمر بحالة اكتئاب عويصة
الغريب فى الأمر أنه لا يوجد سببا وراء كل ذلك .. لا جديد ... نفس الاحباط و نفس الظروف و نفس العلاقات الباهتة و الأفكار المملة و التكرار السخيف و الأحلام الراكدة لحين اشعار آخر ..
و الفتاة التى تنتظر المجهول بدعوى الحب ... و الطاقة المبذولة من أجل اقناعى بعدم العودة للتدخين .. و الطاقة المبذولة من أجل الاستمرار فى الحياة

كل شىء كما هو . . و لكننى و بلا مقدمات سعيد .. لأ مش لدرجة سعيد ممكن زى ما قلت فى الاول الغزالة رايقة .. رغم الضغوط التى يصر الجميع أن يكون طرفا فيها ... رغم قناة الجزيرة و العربية و الدماء و القتلى و الشهداء و الدموع و اللآلام .. رغم المرتب اللى مستنيه .... رغم احساسى انى لازم أحط كل حاجة بحبها بجد على جنب دلوقتى بحجة انى أشوف مستقبلى .. رغم كل ده و سعيد أو تقدر تقول غزالتى رايقة و مودى فانى و ماشى بهزر و جميل خالص

رغم انى مكسور قوى من جوه و ده مؤلم جدا و لكن الأكثر ايلاما انى..عارف فين الكسر و حاطط ايدى عليه .. لكن مبسوط أو تقدر تقول غزالتى رايقة و مودى فانى و ماشى بهزر وكده

رغم كل التنازلات و التفاهات و المجاملات و تغير الجلد و الألوان و التزويق و التلزيق و رغم اصابة كل الصداقات بمرض الأنيميا و رغم حاجتها الحقيقية و الماسة لنقل دم .. دم من فغصيلة نادرة ... لكن عادى .. و الله فريش و زى الفل

و الغريب ان كل ده من غير سبب .. لكن الخوف أنه يكون الامبالاة أو الاعتياد هو السبب وراء كل ذلك

المهم انى ليس أمامى سوى أن أقتنص هذه الحالة للخروج من حالة الاكتئاب

>


14 comments:

Unknown said...

الحاجات دى تخبيها جواك متقولهاش على المللأ كده .. خاف على نفسك من الحسد :)
.....سلامتك من الكسر

hero said...

انا برده احيانا بحس كده مبسوط ودماغي رايقة على الرغم ان فيه مليون مصيبة حواليا

Anonymous said...

واحنا كدة ...الشعب الوحيد اللى ربنا حط فيه الموهبة او النعمة دى....نحزن نغنى ..ونفرح نغنى...نموت نغنى....نجوع نغنى...نعمة وفضل من ربنا وبوس ايدك وش وضهر ..احسن تزول منك ونصبح تانى يوم نلاقيك ميت بالجلطة ولا بضغط الدم.....بعد الشر عنك

Anonymous said...

U TURNED TO A ZOMBIE...YOU ARE A DEAD BODY WALKING.....WELCOME TO ZOMBIE LAND ya basha.....
radwa

kalam said...

ربنا يروق بالك علي طول
دايما لما باجي هنا بالاقيك مكتئب
بس الحمد لله
ربنا يهديلك الغزاله
:)

Haitham said...

واضح انكط وصلت مرحلة من الاكتئاب دماغك فصلت معاه .. عموما كده كويس اوى ريح دماغك بقى وخليك كدة خليك مديها صلصة

ROMANTIC ROSE said...

بركاااااااااااتك .. عقبااااااااااااااالي ..
اللهم ر حسد :(

Ahmed Rashwan said...

ربنا يديمها عليك نعمة
يا عم دخن ولا يهمك لو تبطيلها بيضايقك
الإنسان بيعيش مرة واحدة
ومحدش بيموت ناقص عمر

SEiFO said...

بإمكانك الآن ولفترة محدودة الإعلان مجااااااااااااااااااااااااااااااااااانا لمدة شهرين على الرابط التالي:

seifworld.blogspot.com

توهة said...

رغم انى عارف انى مكسور من جوه
وحاطط ايدى عليه
مش عارفه اقول ايه بس متهيقلى لازم اضحك جامد ومنساش أدارى دموعى واشيل ايدى من عالجرح ليحس الناس ان فرحتى ناقصه
مش عارفه بضحك عالناس ولا بضحك على نفسى

ااااااااااااااه ياربى
ولك الحمد

shababik said...

سبحان الله الكلام دة كاني بقراه عن نفسي بالضبط هي طلعت عدوي ولا إية أنا مش لوحدي يابن آدمين

Anonymous said...

مفيش شيء بيطول عمر الواحد غير الفرحة

Anonymous said...

انا كمان نفس الظروف و بتيجى لحظات بكون فيها مبسوط او الغزالة رايقة لما بكون محشش

Anonymous said...

تنسيق كليات و معاهد الهندسة الخاصة 2013
كليات الهندسة الخاصة فى مصر بالمصاريف 2013
اسعار كليات و معاهد الهندسة الخاصة 2013
مصروفات الدراسة بالكليات و المعاهد الخاصة 2013
صور بيجامات صيفي حريمي 2013
صور فساتين زفاف للمحجبات 2013
صور فساتين زفاف 2013
صور فساتين سواريه 2013 , صور فساتين سهرة 2013
فساتين سواريه للمحجبات 2013 , فساتين سهرة للمحجبات 2013
صور كلاب 2013 , صور كلاب مفترسة 2013 , كلاب بوليسي 2013
مصروفات المعهد العالي للهندسة و التكنولوجيا بالبحيرة 2013
مصروفات المعهد العالي للهندسة و التكنولوجيا بدمياط الجديدة 2013
مصروفات معهد الدلتا العالي للهندسة و التكنولوجيا بالمنصورة 2013
مصروفات المعهد العالي للهندسة و التكنولوجيا بطموه الجيزة 2013
مصروفات معهد الاهرام العالي للهندسة و التكنولوجيا 2013
وصفات طبيعية لتبييض البشرة
مصاريف الجامعات و المعاهد الخاصة 2013