Thursday, March 09, 2006

مش هتفرق لو مقريتش



لم يعد هناك سوى اللحظات التى لا رجاء منها الا قضائها

اعلم ان اللحظات لا يمكن تعويضها و لكنه شىء لا مفر منه

الحب و العمل و الاحلام صاروا بلا عنوان .. فلم يعد من المحتمل ان ترى شيئا منطقيا فى تلك الايام و كأن العبث صار عنوانا موحدا لكل الاماكن

هل يشعر احدكم برغبة فى البكاء
هل يشعر احدكم بالاختناق
هل يشعر احدكم انه صار لا يبالى
هل يشعر احدكم اساسا

هل اصابتك تلك الاسئلة بالذهول .. هل تتلقى ردك من عقلك الان ؟ . اشك

ايهما اقرب للحقيقة ؟ البكاء ام الرغبة فى البكاء .. الحب ام البحث عن حب ؟ .. الحضن ام الدفء ؟ البيضة و لا الفرخة ههههه توهااااااااااااااااااااااان

يقول مفكر شوارعى عظيم من مقهاه الشهير و هو بيشرب كوباية الشاى و يدخن الكليوباترا

مشكلة الانسان تكمن فى الطاقة ؟
فيصفق و يهلل مريدية من مثقفى المقاهى المعلبين ... فتاخذة الحماسة فيزيد مرددا الطاقة لا تفنى و لكنها يا سبحان الله لا تستحدث من عدم فيهتز المكان من الاعجاب و التصفيق
غادرت المكان و انا افكر فى مشكلتى مع الطاقة و هل هى فلسفية ام انها مشابهة لمشاكل ابى مع الطاقة الكهربية مع فاتورة كل شهر فاكتشف فى النهاية ان مشكلتى انى لا اعلم وصفا لطاقتى هل هى طاقة حرارية ام حركية ام فوزية

المهم
اننى قد قررت ان لا اكترث كثيرا بكل هذا الهراء فالطاقة موجودة موجودة و انا موجود موجود ... ارددها كثيرا موجود موجود تأتى فى ذهنى عدة تفسيرات لموجود موجود فاجده احيانا اسما مشابها لمحمود محمود مدافع الزمالك ثم اشعر انه موجود موجود يصلح اسما لبواب صعيدى لعمارتنا ثم بعد تفكير اجد مغزى اخر لموجود موجود فالتمس فيه نبرة زهق او يأس و كأنتى اردد موجود موجود اعملكوا ايه

او موجود مورننييج فاتذكر اسم صابونة تحمل هذا الاسم فيدفعنى هذا الى التفكير بعمق لماذا تحمل الصابونة اسم جود مورننج هل هناك ما يدفع الشركة ان تطلق هذا الاسم على صابونة و هل الصابونة لا تستخدم الا فى غسيل الوش الصبح ... انا أعتقد انه لو بالمنطق التعبان ده كانوا سموها احسن بون بيتى على اساس اننا بنستخدمها بعد الاكل او سموها و لمؤاخذة شفيتم لاننا بنستخدمها بعد الحمام سورى يعنى
ايه السذاجة دى فعلا المشكلة فى الطاقة .. الانسان كائن قادر على التفكير حتى و هو نايم و المشكلة ان التفكير مبيقفش عشان كده انا عمال اكتب . رغم انى مش فاهم حاجة

لأ...لازم وقفة .. ايه معنى اللى انا كتبته .. أعتقد ان البداية كانت محاولة للفلسفة و فشلت فقلبت بتريئة على الفشل و فى النهاية قرار بالتخلص من البوست و ده كله نابع من احساس عام بالملل .
....او يمكن لانك مش عايز تكتب ... اصل انت لو كتبت هتنفجر .. هتبدأ تشتم ناس كتير و يمكن يا مجنون انت تشتم نفسك مليون مرة و انت بتكتب عن نفسك و عن الحلم اللى فرطت فيه و كعادتك وقفت فى ابعد نقطة عن حلمك بتحاول تضحك

لكن الضحك بيطلع يجرح فى زورك ..... تبتسم لكن عينك تتملى بحرارة دمعك ... ههههه فى صحتك .... احساس صعب انك تكشف نفسك

بتكتب عن صابونة جود مورننينج و بتضحك ... و انت من جواك صريخ !! ... المشكلة ان انت مش عارف الصريخ ده جاى منين .. زى بالظبط مشكلة الانسان مع الطاقة .. لا تفنى و لا تستحدث من عدم ... موجودة موجودة

و انت صريخك اللى جواك .. رفض للواقع اللى انت فارضه على نفسك بطريقة موجود موجود رغم انها مش مبررة و لا مقنعة تمام زى اسم جود مورننينج اللى مش مبرر انه يكون اسم صابونة

لكن المشكلة انك انت ضيعت وقتك فى قراية البوست و مطلعتش غير بالصابونة
حلال علينا

اعتذر عن اللحظات التى اضعتها لك



17 comments:

wa7da said...

الطاقة لا تفنى و لا تستحدث ..و لكن تتحول من صورة إلى أخرى .. فهاهو الفرح يتحول إلى بكاء .. و الرغبة في الدفء تتحول إلى غضب .. و أنا أتحول إلى معلق بايخ جداً .. تصدق مفكرتش في موضوع جود مورننج ده قبل كده

فنجان قهوة said...

يبقه انت كده وصلت لحالة صعبة من الاكتئاب ... وصلت لحالة من الهذيان والفراغ وده شئ صعب
معرفش بس انا حاسة بيك
حاول تاخد او تعمل حاجة واحدة واحدة بس بتحبها والا الامور هاتخرج عن ايدك خالص

Ghada said...

انت مش كنت من كام بوست اتخلصت من اكتئابك يابن الحلال، ارجع للعلاج الصيني تاني

Moia said...

هو العلاج الصينى برده فشل :((

a.nashat said...

يا سيدى لا هى أول ولا اخر صابونة

a.nashat said...

يا سيدى لا هى أول ولا اخر صابونة

adhm said...

كلامك دة اللى يجاوب علية بذمة واحد بس هنا اسمة ابو الليل
خش على اللينك بتاعة يمكن تستفيد حاجة
ويا سيدى من صابونة لصابونة يا قلبى لا تحزن
http://yakhya7a.blogspot.com/

mahmoud zidan said...

يعنى انا اغيب اغيب وارجع اخش مدونتك آخد صابونة ... ماشى ياعم عبد الموجود موجود .. هههههه
بقولك ايه فيه سرير فاضى جنب منى فى المعمورة احجزهولك .. فكر بسرعة قبل ما يتخطف احسن ده عليه صراعات ومعارك

Geronimo said...

ليه ؟؟؟؟؟؟

Mr-Biboooo said...

واحدة

ليه بس تقولى معلق بايخ جدا كفاية انك قريتى شكرا ليكى

فنجان قهوة

ميرسى بجد و انا فعلا واصلنى احساسك لكن المسألة ابسط صدقينى انا مش مكتئب اربع و عشرين ساعة انا بمر بلحظات ههههه لكن اشمعنى فنجان قهوة ليه مش مج

غادة

الاول اهلا بيكى بعد غيااااااااااااب
ثانيا العلاج الصينى بقى مكلف قوى يال غادة الحياة ايقاعها اسرع مبلحقش استفرد بنفسى

Mr-Biboooo said...

مويا
اسمحيلى اسميكى رفيقة الموود انا ساعات بحس انك بتمرى بموود مشابهة للى بمر بيه
ميرسى على اهتمامك

نشأت
على يا رأيك
يا راجل يالا جود مورنينج بس البوست لوكس خالص

أدهم
دخلت على اللينك تهت خالص و انا بدور
على رده واضح انى اخدت صابونة

زيداااااااااااااااااان

انت فين يا عم يا نهار ابيض كل ده فى المعمورة يا سيدى اصحاب العقول بقى
ليك وحشة ابقى عدى خدها

جيرنيمو

ليه ايه؟؟؟؟؟؟؟
بجد عايز اعرف ليه ايه لان ليه حاجات كتير

Moia said...

اسمحلى اسميك برده رفيق الموود لان ده فعلا اللى بيحصل :) .. كل ما اجى هنا الاقيك كاتب كلام بيقول اللى بحس بيه بالظبط

change destiny said...

التدوينة اللي فاتت لا اللي قبلها عندي في المدونة هي تقريبا نفس التدوينة دي
أرجع و أقولك على رأي الكبير :

يأسك و صبرك بين إيديك و انت حر

تيأس ما تيأس الحياه راح تــــــــمر

أنا دقت مندا ومندا عجبي لقيــــــت

الصبر مر و برضك اليـأس مـــــــر

عجبي !!

Anonymous said...

I have been looking for sites like this for a long time. Thank you! automotive

Ahmed Ashraf said...

رئيسية الموقع :
مصر اليوم
اخر مواضيع منتديات مصر اليوم :
ترددات قنوات النايل سات الجديدة
اهلا بكم , اضع لكم موقعى لتتطلعوا عليه

منتديات مصر اليوم هى منتديات عامة تهتم بالكثير من الاشياء المصرية . منتديات مصر اليوم هى منتديات عربية عموما مصرية خصوصا و هى منتديات عامة تهتم بكل ما يهتم به الشباب المصرى من الحوار او النقاش او اخر الاخبار او جديد الصور و الاغانى و الالبومات و الكليبات و الافلام و النكت و الفيديوهات و الموبايلات و تحتوى على اقسام مميزة مثل قسم اللغة الانجليزية و قسم اصحاب المواقع و المنتديات و قسم البرامج و القسم الاسلامى و قسم المرأة و قسم الرومانسية و الرياضة المصرية و الكثير ....
شاهد اقسام المنتدى :
اخبار مصر صور نكت مصرية اغانى قنوات و ترددات اخبار الرياضة المصرية مشاهدة مباريات بث مباشر اسعار السيارات

Anonymous said...

تردد قناة mbc مصر على النايل سات 2013
مشاهدة قناة mbc مصر بث مباشر
وظائف الوزارات المصرية 2013
وظائف الحكومة المصرية 2013
احدث عروض كارفور مصر الهايبر ماركت
اماكن و فروع كارفور مصر
نكت مصرية قليلة الادب 2013
صور , نكت اساحبى 2013
صور نكت على جمال و علاء و حسنى مبارك
مشاهدة قناة النهار بث مباشر
تردد قناة 25 يناير على النايل سات 2013
ترددات قنوات المصارعة على النايل سات 2013
ترددات قنوات النايل سات الجديدة 2013
ترددات قنوات النايل سات الجديدة
الموقع الرسمى لقناة الحياة الحمرا
الموقع الرسمى لقناة النهار
الموقع الرسمى لقناة الفراعين
ترددات قنوات النايل سات الجديدة 2013
مشاهدة جلسات مجلس الشعب اون لاين
مشاهدة جلسات مجلس الشعب بث مباشر
مشاهدة قناة صوت الشعب اون لاين
ترددات قنوات النايل سات الجديدة بعد التعديل
مشاهدة قناة صوت الشعب بث مباشر
الموقع الرسمى لقناه مودرن سبورت
مشاهدة قناة 25 يناير بث مباشر اون لاين
مشاهدة قناة اليوم بث مباشر اون لاين بدون تقطيع - القاهرة اليوم
مشاهدة قناة الجزيرة مصر بث مباشر اون لاين بدون تقطيع
رسائل قصيرة للاصدقاء
كود تحويل رصيد من فودافون الى فودافون
طريقة تحويل الرصيد فودافون
اسعار الموبايلات النوكيا المستعملة فى مصر
اسعار الذهب اليوم فى طنطا
اسعار السيارات المستعملة فى مصر بالصور 2013
اسعار السيارات فى مصر 2013 بالصور
سعر موبايل نوكيا بخطين Nokia e97
صورة اجمل امراة فى مصر 2013 , اجمل امراة فى العالم 2013
صور تامر حسني و بسمة بوسيل زوجته
نكت صعايدة

arab girlscool said...

This is such a nice addition thanks!!!
عرب كول
شات صوتي
شات مغربي
دردشه صوتيه
إنحراف كام
شات عرب كول
صوتي
دردشه صوتيه
سعودي كول